Telekanallarımızda həyasızlığın son həddi. ("FERMA" , REGİON TV, 11 fevral, saat 16:15)
Veriliş iştirakçısı böyük şairimiz Bəxtiyar Vahabzadənin şeri məzələnmək obyektinə çevirib. Şairin öz anasının ölümünə yazdığı, təsirli və gözəl şeiri bir həyasız və mənəviyyatdan kənar bir verilişdə tərbiyəsizcəsinə məsxərə predmeti olub. Deyək ki, onlar qanmaz və bixəbərdilər və bu onların davranış tərzidir. Bəs bu verilişin bir rəhbəri yoxdurmu? Orada heç Bəxtiyar Vahabzadəni və onun bu şeirini tanıyıb efirə bu cür buraxılmasının qarşısını alan bir kimsə tapılmadımı? Bəxtiyar Vahabzadə 20-ci əsrin ikinci yarısı üçün Azərbaycanın vicdan simvolu, görkəmi şairimizdir. Bu verilişdəki şərəfsizlər yığnağı özləri kimi, deyəsən bütün xalqı dolayır, onun şairini ələ salır.
Bu cür mənəviyyatsız verilişlər nə vaxta kimi mavi ekranları bəzəyəcək? Nə vaxtacan milli-mənəvi dəyərlərimiz, şairimiz, şerimiz belə mənəviyyatsızlar tərəfindən ayaqlar altına atılacaq?
MTRŞ görəsən hara baxır?