Bir qrup islamçı bununla bağlı sosial şəbəkələrdə bəyanat yayıblar

Xəbər verdiyimiz kimi, bir qrup gənc fevralın 28-i saat 15:00-da Fəvvarələr Meydanında bahalaşmaya etiraz olaraq aksiya təyin ediblər. Azerinfo.az JAM.AZ-a istinadən xəbər verir ki, bunun üçün Facebookda yaradılmış eventə qoşulanların sayı 700 nəfərə çatıb.

Amma aksiya hazırlıqları həddindən artıq sürətli gedir. Demək olar ki, etiraz aksiyası ilə bağlı məlumat açıqlandıqdan bəri təqribən 10 minə yaxın insan bu mövzula bağlı müzakirələrdə iştirak edib. Mitinqin təbliğatı ilə bağlı paylaşımların sayı isə həddindən artıq çoxdur.

Bu əsnada dindarlar da bahalaşma ilə bağlı aksiyada iştirakla bağlı qərar veriblər. JAM.AZ sosial şəbəkələrdə yayılmış məlumatlara istinadən xəbər verir ki, islamçılar bahalaşmaya etiraz olaraq gənclərlə həmrəylik nümayiş etdirdiklərini vurğulayıblar. Onlar fevralın 28-də Fəvvarələr Meydanında olacaqlarını bəyan ediblər.