GDU-da baş verən özbaşınalıqlarla bağlı şikayətlər səngimək bilmir. Keçən ilin payızında "Şərab festivalı" üçün hər dekandan 500 azn toplatdıran universitet rəhbərliyi, belə bir göstərişi Gəncə şəhər icra başçısı Elmar Vəliyevin verdiyini bildirib. Bu baradə azerinews.tv-yə şikayət məktubu daxil olub. Şikayətçinin dediyinə görə GDU-da Elmar Vəliyevin adından yığılan pulun söz-söhbəti onun qulağına çatır. Bundan sonra universitetin vəzifə sahibləri Elmar Vəliyevin sərt tənqidi ilə üzləşir. Yığıncaqda Elmar Vəliyev üzünü zala tutaraq: "Mən başa düşə bilmirəm ki, GDU-da bu özbaşınalıqlar nə vaxta qədər davam edəcək? ...Mən saytlarda gedən yazıları oxumuşam, bunlar hamısı həqiqətdir, orada yalan yazılmayıb. Mən Asif Cavadovun prorektor təyin olunmasının əleyhinəydim. Bilirdim ki, Asif Cavadov və onun kimilər universitetdə tutduğu vəzifəyə yaraşmayan əməllərlə məşğuldurlar"...
Daxil olan şikayətdə universitetdə yaradılmış etika komissiyasının sədrindən də bəhs olunur. Şikayətçinin iddiasına görə adı müxtəlif qalmaqallarda hallandırılan 77 yaşlı Ə.Quliyev olsa da, faktiki rəhbəri Asif Cavadovdur. Bu komissiyada isə etikadan başqa hər şey müzakirə olunur. Rəhbərliyin rüşvətxorluq siyasətinin əleyhinə çıxan, aylığa buraxılmış tələbələrə qayub yazan müəllimlər burada �mühakimə� olunurlar. Demək olar ki, universitetdə tələbələr arasında da tərbiyəvi söhbətlər aparılmır ,tərbiyə işləri üzrə prorektor öz funksiyasını yerinə yetirmir,çünki universitetdə çirkli pulların yığılması işinə bir başa bu prorektor başçılıq edir.Ona görə də tərbiyəvi-əxlaqi işlər sıfır səviyyəsindədir. Elə bunların nəticəsidir ki, bir neçə ay bundan öncə riyaziyyat fakültəsının 1-ci kurs tələbələri universitetdə mübahisə zəminində Orxan Qarayev öz qrup yoldaşı Toğrul Mirzəyevə 4 bıçaq zərbəsi vuraraq ona ağır xəsarət yetirib. Amma bütün bunlara baxmayaraq rektor Yusif Yusifov və onun əlaltıları bu vəziyyətdənə çıxış yolu taparaq problemi həll edə bilmişlər.

http://olaytv.az