Mil-Muğan bölgəsində qarın qalınlığı 30-35 santimetr, bəzi yerlərdə 50 santimetrə qədər olub. - YENİLƏNİB

Mil-Muğan bölgəsində qarın qalınlığı 30-35 santimetr, bəzi yerlərdə 50 santimetrə qədər olub.
APA-nın Mil-Muğan bürosunun verdiyi məlumata görə, dünən axşam saatlarından yağan aramsız qar nəticəsində Şirvan şəhərində qarın qalınlığı 30-35 santimetr, bəzi yerlərdə 50 santimetrə qədər olub.
Baş vermiş külək nəticəsində çoxillik ağaclar qarın ağırlığına dözməyərək aşıb.
Bəzi yerlərdə elektrik verilişində müəyyən problemlər yaranıb, yolların təmizlənməsi üçün əraziyə texnika çıxarılıb.

***

12:24

Dağlıq Lerik rayonuna 3 gündən bəri yağan güclü qar bir sıra fəsadlara səbəb olub.

APA-nın cənub bürosunun verdiyi məlumata görə, Hamarat kəndi ərazisində, eləcə də Yardımlı-Masallı yüksək gərginlikli hava xətlərində qəza baş verdiyindən fevralın 20-dən günorta saatlarından Lerik şəhəri də daxil olmaqla, rayonun bütün yaşayış məntəqələri işıqsız qalıb.
Bu isə rayondakı mobil telefon operatorlarının da işinin iflic olması ilə nəticələnib. Hazırda həm �Aztelekom�un, həm də mobil telefon abonentlərinin heç biri ilə əlaqə yaratmaq mümkün deyil.
Güclü qar Lənkəran-Lerik şosesində nəqliyyat vasitələrinin hərəkətini də iflic edib.