Dəstənin işi eyvanları müşahidə altında saxlamaqdır


Sumqayıt Şəhər İcra Hakimiyyəti başçısı Eldar Əzizovun "xeyir-duası" ilə şəhərdə icra hakimiyyətinə bağlı yeni dəstə formalaşdırılıb. Azerinfo.az bildirir ki, bu barədə Moderator.az-etibarlı mənbə məlumatlandırıb.
Mənbənin sözlərinə görə, dəstənin işi şəhərin əsas magistrallarına baxan eyvanları müşahidə altında saxlamaq, bu eyvanlarda paltar sərilməsinə imkan verməməkdir.
Mənbənin sözlərinə görə, E.Əzizov hesab edir ki, eyvanlarda sərilən paltarlar rəhbərlik etdiyi şəhərin görünüşünə xələl gətirir, binaların estetik görünüşünü korlayır. Habelə, magistral yol boyu hərəkət edən nəqliyyat vasitələrindəki insanlarda da mənfi təəssürat yaradır.
Icra başçısının bu qadağasının vətəndaşlar tərəfindən ciddi narazılıqla qarşılandığını bildirən mənbə, bəzi vətəndaşların məcburiyyət səbəbi ilə bu qadağaya əməl etmədiyini, nəticədə icra hakimiyyəti təmsilçiləri ilə şəhər sakinləri arasında müəyyən gərginliklər yaşandığını bildirib.