Göyçay rayon İcra Hakimiyyətinin qarşısında ilk mitinq keçirilib.

Bu barədə Avropa.info-nun redaksiyasına hüquq müdafiəçisi Taleh Xasməmmədovxəbər verib.

O bildirib ki, bu gün saat 11:30 radələrində Göyçay sakinləri işıq və su problemləri ilə bağlı etirazlarını bildirmək üçün Göyçay İcra Hakimiyyətinin qarşısına yığılıblar.
İcra başçısı Mübariz Ağayev etiraz edənlərin sayının artacağında narahat olaraq sakinlərin böyük zala toplanmasına göstəriş verib.
Qeyd edək 4 gündür ki, 400 ailənin işığı məlum olmayan səbəblərdən kəsilmişdir.
Göyçay Elektrik Şəbəkəsinin rəsi Mübariz Ağayevin dayısı oğlu Mövsüm Ağayev vətəndaşları ciddi narazı salmışdır.
Bundan əlavə sakinlər dünəndən bəri su təchizatından məhrum olublar. Etiraz edənlər su borclarının qanunsuz olaraq onlara yazılmasından da icra başçısının müavininə şikayət və tələblərini kəskinliklə bildiriblər.
Etiraz edən sakinlər problemləri həll edilməyəcəyi təqdirdə bu gün saat 17:00-da yenidən mitinq təşkil edəcəklərinə israrlıdılar.

Məsələylə bağlı ətraflı məlumat verəcəyik.