Yevlax şəhəri Qoyunbinəsi kəndinin girişində, bir qədər dəqiq desək “Laçın” şadlıq sarayının yaxınlığında fəaliyyət göstərən və Gülü adlı “xanım”a məxsus olduğu bildirilən “Alov” kafesində, gündəlik nələrin baş verməsindən yəqin ki, kifayət qədər şəxs məlumatlıdır. Həmin kafedə baş verən hoqqalar barədə məlumatları informasiya mərkəzimizə çatdıran mənbə bildirir ki, ümumi görkəmi olduqca zəif, sanki vəhşi çöl heyvanlarının yaşadığı mağaraya oxşayan kafedə, hər gün təqribən 17-35 yaş həddində olan qadınlar cinsi istismara məruz qalırlar. Odur ki, ümumi mənzərəni görən, atılan addımları birbaşa izləyən hər kəs, sanki yaşanan olayları gördükdə dəhşətə gələr.

Məlumatli mənbə onu da bildirir ki, kafenin giriş qapısından içəri daxil olduqdan və sağ tərəfə çevrilərək arxa hissəyə keçdikdən sonra, görürsən ki üst hissəsi göy”salafan”la, dört tərəfi isə adi kardonlarla bağlanmış 3-4 “otaq” var. Həmin otaqlarda, yuxarıda qeyd etdiyimiz kimi ölkənin müxtəlif şəhər və rayonlarından, o cümlədən Gəncədən, Oğuzdan, Tovuzdan və Bakıdan gələn 17-35 yaşarası “xanım”lar, müştəri hüzurunda sərasər dayanırlar. Və əldə etdiyimiz məlumatlara görə, hər 5-7 gündənbir həmin “xanım”lar fəaliyyətdə olduqları ünvanları dəyişirlər. Həmin ünvana üz tutan hər kəs isə, mütləq 20-30 manat arası pulunun başından keçməyə məcbur olur. Çünki, kustar üsulla hazırlanan və qeyd etdiyimiz kimi ümumi görkəmi sanki vəhşi çöl heyvanlarının yaşadığı mağaraya bənzəyən otaqlara giriş haqqı 10 manatdır. Dəhşət odur ki, otaqlarda heç bir istilik təminatından söhbət gedə bilməz və əldə etdiyimiz məlumatlara görə, həmin ünvana vərəm xəstəsi olan şəxslər də gəlirlər. Onu da qeyd edək ki, kafedə müştərilərə yemək-içmək yox, yalnız çay verilir.
Belə bir yöndə fəaliyyət göstərən kafelərin, ayrı-ayrı istirahət mərkəzlərinin və digər ünvanların, nə kimi xəstəliklərin daşıyıcısı olmaları heç də diqqətdən kənarda qalmır. Faciəli hal odur ki, Gülü adlı “xanım”ın da sahiblik etdiyi “Alov” kafesi də, belə bir yöndə fəaliyyət göstərən kafelərdən biri olmasına baxmayaraq, bir kimsə ona “qaşın üstə qara var” demir. Elə bu deməməyin nəticəsidir ki, həmin “xanım” ayrı-ayrı ünvanlarda danışır ki, “mən hər kəsin aylıq haqq-hesabını çatdırıram, niyə də ki, mənə dəyməlidirlər” deyir. Təəssüf doğuran haldır ki, Gülü “xanım” bu cür iyrənc əməllərə qol qoyur, qadınların cinsi istismarına şərait yaradır, gənclərimizin minbir xəstəliyə düçar olmasına səbəb olur, amma belə bir addımlarının qarşılığında hüquq-mühafizə orqanı əməkdaşları, ona qarşı hər hansı tədbir görmürlər. Bu da onu söyləməyə əsas verir ki, onun ayrı-ayrı ünvanlarda danışdıqları həqiqəti əks etdirir.
Ümumiyyətlə, bu gün belə bir ünvanların varlığı öz-özlüyündə böyük bir problemdir. Çünki, həmin ünvanlarda əxlaqımız, mənəviyyatımız, gənclərimizin tərbiyyəsi, ümumi şəkildə götürdükdə isə, insanların bir-birinə yanaşması və.s, olduqca pozulur. Belə bir halların varlığı həm də, ümumi faciələrimizdən birinə çevrilir. Odur ki, belə bir faciələrimizin əmələ gəlməsinə səbəbkar olan Gülü adlı “xanım”la bağlı geniş açıqlamalarımızı, yaxın günlərdə yenə də oxuya biləcəksiniz.