Azərbaycan prezidenti İlham Əliyevin sərəncamına əsasən gənclərin həqiqi hərbi xidmətə yola salınması davam edir. Gəncə şəhəri Nizami rayonunda da çağırış yaşı çatan gənclər ordu sıralarına təntənəli yola salınıblar.

Səfərbərlik və Hərbi Xidmətə Çağırış Üzrə Dövlət Xidmətinin Gəncə şəhəri Nizami rayon şöbəsində çağırışçılar əvvəlcə həkim müayinəsindən keçib. Daha sonra Xidmətin əməkdaşları və çağırışçılar Ümummilli lider Heydər Əliyevin abidəsini ziyarət edib. Yola salma mərasimində çıxış edənlər gəncləri təbrik edərək, müstəqil Azərbaycanın milli ordusunda xidmət etməyin ən böyük şərəf olduğunu söyləyiblər. İşğal altında olan torpaqlarımızın tezliklə azad ediləcəyinə əminlik ifadə olunub.
Xanlar Cəfərov- valideyn: "Mən bir baba kimi öz nəvəmi hərbi xidmətə yola salıram. Mən fəxr edirəm ki, mənim nəvəm Azərbaycan ordusunda xidmət edəcək. Bütün çağırışçılara sağlamlıq arzulayıram".
Çıxışlarda Azərbaycan ordusunun maddi- texniki bazasızının ilbəil möhkəmləndiyi, hərbi hissələrdə ən müasir informasiya texnologiyalarının tətbiq olunduğu vurğulanıb. Valideynlər və çağırışçı gənclər çıxış edərək öz arzu və istəklərini ifadə ediblər.

Yusif Rzayev- çağırışçı: "Bu gün hərbi xidmətə getdiyim üçün çox sevinirəm. Vətən qarşısında olan borcunu yerinə yetirmək hər bir şəxsin borcudur. Buna görə özümdə fəxr və qürur hissi duyuram".

Rəsmi hissənin sonunda çağırışçılar sədaqət andı içməklə, dövlət bayrağımızı öpüblər. Daha sonra onlar avtobuslarla hərbi hissələrə yola salınıb.

kepeztv.az