Bir neçə gün bundan əvvəl çoxsaylı oxucularımızın diqqətinə belə bir məqamı çatdırmışdım ki, Quba rayon İcra Hakimiyyətinin başçısı cənab Mübariz Ağayevin kadr siyasəti, bu gün əksəriyyətin müzakirə etdiyi mövzulardan birinə çevrilib. Yazıb onu da bildirmişdim ki, rayon rəhbərliyi qol qoyduğu maxinasiyaların, mənimsədiyi büdcə vəsaitlərinin, həyata keçirdiyi kadr siyasətinin və digər məqamların daha çox ictimailəşməməsi üçün, hələ bir müddət bundan əvvəl yeni bir addımını da atdı. Yəni o, ali təhsili olmayan, latın qrafikası ilə yazıb-oxumağı bacarmayan Arif adlı şəxsə, müəyyən səlahiyyəti həvalə etdi. Belə ki, o, ona verilmiş səlahiyyətlər çərçivəsində hərəkətlər etməli və rəhbərliyin tapşırıqlarını da yerinə yetirməlidir. Yəni, əldə olunmuş razılaşmalar əsasında Arif adlı şəxs, rayon rəhbərliyinin maxinasiyaları barədə tənqidi açıqlamalar dərc edən KİV nümayəndələri ilə görüşməli və əmələ gələn problemləri də "yoluna qoymağı" bacarmalıdır.
Hər kəsi düşündürən hal odur ki, bu gün verilmiş səlahiyyətlər çərçivəsində icra başçısına məxsus mobil telefona Arif adlı şəxs cavab verir və problemləri də "yoluna qoymaq" üçün, onun səlahiyyət sahibi olduğu da bildirilir. Maraqlı haldır ki, ötən açıqlamalarımın birində onun həyat tarixçəsi barədə, az-çox məlumatlarla oxucuları məlumatlandırmışdım. Yazıb bildirmişdim ki, hələ məktəbli ikən o, dərsə getməmiş və Bərdə şəhərindəki restoranların birində ofisant da işləmişdir. Elə ki, Arif Bakı şəhərinə gəlir, çox keçmir ki, sahib olduğu peşəsini yenə də yaşatmalı olur. Bu gün isə artıq o, qeyri-adi ixtiyar sahibidir. Yəni, ali təhsili qalsın bir yana, heç tam orta təhsili olmayan olmayan bu şəxs, hal-hazırda Quba rayon İcra Hakimiyyəti başçısının şifahi surətdə verdiyi səlahiyyətdən yararlanaraq, ali təhsilli, peşəkar, kifayət qədər təcrübəsi olan KİV nümayəndələrinə "izahlar verir, tövsiyyələrini bildirir, müəyyən məsləhətlərini də söyləyir". Bax budur hər kəsdə təəssüf hissi doğuran hal, diqqəti cəlb edən məqam.
Son günlər isə onun ayrı-ayrı ünvanlarda danışdıqları, yenə də kər kəsi düşündürməkdədir. Yəni Arif adlı şəxsin keçmişi nə olub, bu günü nədir deyə açıqlamalarla çıxış etdikdə o, onu da vurğulayır ki, "kim məndən nə qədər bacarır bir o qədər də çox yazsın, kim mənə nə edə biləcək?" Çünki, mənə Mübariz müəllim səlahiyyət verib, o da ki, Ziya Məmmədovun kadrıdır. Mənim arxamda Mübariz müəllim, onun arxasında isə Ziya Məmmədov durur. Bəyəm, bu gün Ziya Məmmədovun sözünün qarşısında kimsə nəsə deyə bilər?" deyir. Elə bu kimi səbəblər üzündəndir ki, bu gün Qubada baş verənlər, olub-keçənlər mətbuatın gündəmini zəbt etməkdədir.
Bir faktı da qeyd edək ki, hal-hazırda şəhər, rayon icra hakimiyyətləri aparatında KİV nümayəndələri ilə əlaqəni quran, ünvanlanan suallara dolğun şəkildə cavablar verən, savadlı, bacarıqlı elə kadrlar var ki, onlara məxsus göstəricilər hər kəsin diqqətini cəlb edir. Bu belə olmalı olduğu halda, görəsən Mübariz müəllimin diqqətini hansı maraq cəlb edir ki, o, ali təhsili olmayan, adicə latın qrafikası ilə yazıb-oxumağı bacarmayan bir şəxsə belə bir səlahiyyət verib? Bax, budur hər kəsdə təəssüf hissi doğuran hal. Axı, hər kəsin bildiyi bir həqiqət var ki, icra strukturlarında çalışan şəxslər üçün ali təhsilin varlığı, olduqca önəmli məsələlərdən biridir. Bəs səbəb nədir ki, bu gün Quba rayonu, digər şəhər və rayonlarla müqayisədə istisna təşkil edir? Axı, KİV nümayəndələrinin tam əksəriyyəti Arif adlı şəxsin həyat tarixçəsi barədə kifayət qədər məlumatlara malikdirlər. Hər kəs bilir ki, onun heç bir ali təhsili yoxdur və latın qrafikası ilə yazıb oxumağı da bacarmır. Heç bir göstəriciyə malik olmayan belə bir şəxsin, görəsən haqqı varmı ki, bu gün belə bir səlahiyyətə malik olsun və KİV nümayəndələri ilə Quba rayon İcra Hakimiyyəti Aparatı arasında, bir növ "qladiator" rolunu da oynasın.
Hörmətli oxucularımız! Sizləri yaxın günlərdə daha ətraflı məlumatlarla məlumatlandırmağa çalışacağam. Odur ki, bizi izləməyi unutmayın.

İ.Qubadoğlu