Bu gün cənab prezident İlham Əliyevin doğum günüdür. O, 1961-ci il dekabrın 24-də-də Bakı şəhərində anadan olub. 1967-1977-ci illərdə Bakıda orta məktəbdə oxuyub.1977-ci ildə Moskva Dövlət Beynəlxalq Əlaqələr İnstitutuna (MDBƏİ) daxil olub. MDBƏİ-ni bitirdikdən sonra institutun aspiranturasına qəbul edilib, 1985-ci ildə dissertasiya müdafiə edərək tarix elmləri namizədi dərəcəsi alıb.

1985-1990-cı illərdə Moskva Dövlət Beynəlxalq Əlaqələr İnstitutunda müəllim işləyib. 1991-1994- cü illərdə özəl biznez sahəsində çalışmışdır. Bir sıra istehsal-kommersiya müəssisələrinə rəhbərlik edib. 1994-cü ildən 2003-cü ilin avqustunadək Azərbaycan Respublikası Dövlət Neft Şirkətinin vitse-prezidenti, sonra isə sonra isə birinci vitse-prezidenti olub. Heydər Əliyevin neft strategiyasının həyata keçirilməsində fəal iştirak edib.
Suveren Azərbaycanın neft siyasətinin geosiyasi aspektlərinə dair bir sıra tədqiqat işlərinin müəllifidir. Siyasi elmlər doktorudur.

İki dəfə- 1995 və 2000-ci illərdə Milli Məclisə seçilib. 2003-cü ildə Azərbaycan Respublikasının Baş naziri vəzifəsinə təyin edilməsi ilə əlaqədar olaraq deputat səlahiyyətlərinə xitam verib.
1997-ci ildə Azərbaycan Milli Olimpiya Komitəsinin prezidentidir. İdmanın və Olimpiya hərəkatının inkişafında böyük xidmətlərinə görə Beynəlxalq Olimpiya Komitəsinin ali ordeni ilə təltif edilib.
1999-cu ildə Yeni Azərbaycan Partiyası sədrinin müavini, 2001-ci ildə sədrin birinci müavini, 2005-ci ildə isə partiyanın sədri seçilib.
2001-2003-cü illərdə Avropa Şurası Parlament Assambleyasında Azərbaycan nümayəndə heyətinin rəhbəri olub. 2003-cü ilin yanvarında Avropa Şurası Parlament Assambleyası sədrinin müavini, AŞPA-nın Büro üzvü seçilib.
2004-cü ilin aprelində AŞPA-nın fəaliyyətində fəal iştirakına və Avropa ideallarına sədaqətinə görə AŞPA-nın fəxri üzvü diplomu və AŞPA medalı ilə təltif edilib.
2003-cü il avqustun 4-də Milli Məclis tərəfindən təsdiq edildikdən sonra Azərbaycan Respublikasının Baş naziri təyin edilib.
2003-cü il oktyabrın 15-də Azərbaycan Republikasının Prezidenti seçilib. Prezident seçkilərində seçicilərin 76%-dən çoxu İlham Əliyevin lehinə səs verib. 2003-cü il oktyabrın 31-də vəzifəsinin icrasına başlayıb.
İlham Əliyev Heydər Əliyev məktəbinin şagirdidir. Onun siyasi karyerasında da birincidən çox, ikinci amil mühüm rol oynayıb. Daha doğrusu onu ali məktəbdə aldığı təhsil, Heydər Əlieyev məktəbi üçün baza rolunu oynayıb. 1995-2000-ci illəri - İlham Əliyevin deputatlıq fəaliyyətini yaxşı xatırlayıram. Həmin illərin siyasi fırtınalarında arxa planda qalan İlham Əliyev sübut etdi ki, qələbə yalnız güclülərə yox, həm də səbirli və bacarıqlı olanlara qismət olur. O, liderliyi də öyrəndi, hər kəslə öz dilində danışmağı da.
"Sizin qeyd etdiklərinizin hamısı yanlış informasiya əsasındadır, ya da sizin Azərbaycana qarşı qərəzli mövqeyinizdən irəli gəlir. Sizin kağız üzərində oxuduğunuz sualı sizə Azərbaycana hücüm etmək marağında olan tərəflər veriblər".
Belə bir cavabı Sarkisyana da vermişdi. Şərq Tərəfdaşlığı Proqramı çərçivəsində Praqada keçirilən görüşdə Türkiyənin arxasınca danışan Ermənistan prezidentini İlham Əliyev susdurmuşdu. "Türkiyəli həmkarım burda yoxdu, amma mən varam" demişdi. Əslində bu qardaşı müdafiə etməkdən də çox haqqı müdafiə etmək idi. Çünki bu gün Azərbaycan heç bir böyük və yaxud kiçik qardaşdan asılı deyil. Bir az da obrazlı desək, Azərbaycan coğrafi mövqeyinə görə xəritədə öz yerindədirsə, dünyanın xəritəsində Azərbaycan həm də Cənubi Qafqazın özü deməkdir.
Bakı-Tbilisi-Ceyhan əsas ixrac neft, Bakı-Tbilisi-Ərzurum qaz kəmərlərinin reallaşdırılması, Bakı-Tbilisi-Qars-Axalkalaki dəmir yolunun inşasına başlanılması, TAP - TANAP kimi digər layihələrin həyata keçirilməsi Azərbaycanı beynəlxalq aləmdə söz sahibi edib. Deməli, həm də güc sahibi. Necə deyərlər, zərimiz də var, zorumuz da.
"Biz müstəqil siyasət aparırıq. Heç bir kənar qüvvə bizim iradəmizə təsir edə bilməz. Heç kimin diqtəsi ilə biz oturub durmuruq və oturub durmayacağıq. Öz sözümüzü daim açıq deyəcəyik. Və prinspial mövqeyimizi nümayiş etdirəcəyik. Həmişədə belə olmalıdır" - deyə İlham Əliyev bildirib.

2011-ci il oktyabrın 24-də Birləşmiş Millətlər Təşkilatının Təhlükəsizlik Şurasına qeyri-daimi üzvlük üçün keçirilən seçkilərdə Azərbaycanın 155 üzv ölkənin dəstəyini qazanaraq qalib gəlməsi də uğurlu xarici siyasətin məntiqi nəticəsidir.
"Bu il Avropa Şurası Nazirlər Komitəsinə sədirlik etmişdik. Azərbaycanın çox böyük beynəlxalq nüfuzu var. Etibarlı tərəfdaş kimi tanınır. Güclü iqtisadi dayaqları, güclü ordusu var. Bu gün dünya miqyasında güclü ordular sırasındayıq".

O ordu Qarabağı azad etmək gücündədir. İnşallah o gün yaxındadır və biz torpaqlarımızı azad edəcəyik. Ali Baş komandanla birlikdə.

Raqub Məmmədov
Ağdam Rayon İcra Hakimiyyətinin başçısı