İlqar “abi”nin qol qoyduğu əməllər, atdığı addımlar, xalqımıza məxsus milli-mənəvi əxlaqımızla ziddiyyət təşkil etməklə bərabər, tarixi keçmişi olan adət-ənənələrimizin də unudulmasına xidmət edir

Bir müddət bundan əvvəl informasiya mərkəzimizi məlumatlandıran mənbə bildirirdi ki, Tovuz rayonu ərazisində yeni-yeni “firon”lar peyda olub ki, bunlardan biri də, əslən rayonun Xatınlı kəndindən olan İlqar “abi”dir. O, əslən yerli sakin olduğundan və yerli şəraiti də gözəl bildiyindən, əhalinin xarakterik xüsusiyyətlərinə də az-çox bələddir.
Əldə etdiyimiz məlumatlara görə, belə bir göstəricilərə qabil olduğundan, o, Tovuz rayonunda “firon”luq etmək haqda mütləqi-qərarını verir. Və belə bir qərara da gəlir ki, “başqaları kimi mən də asan yolla daha çox pul qazanım”. Amma, İlqar “abi” qazanmaq istədiyi pulu zəhmət çəkib halalıqla deyil, haramçılıqla qazanmağa üstünlük verir. Yəni, o, bu yolla Tovuz çayının kənarında birmərtəbəli kafeyə sahib olur və həmin ünvanı da ən “xod” gedən əxlasızlıq ünvanlarından birinə çevirir.
İnformasiya mərkəzimizə məlumatı verən mənbə daha sonra bildirir ki, İlqar “abi” hal-hazırda iki nəfər gözəgəlimli “xanım”ı “işlədir”, amma necə? Elə bu necəlikdir ki, bir müddət bundan əvvəl, daxil olan informasiyalar əsasında müəyyən araşdırmalar aparmağa qərar verdik. Əməkdaşımızın apardığı araşdırmalar zamanı o da bəlli oldu ki, İlqar “abi” yaş həddindən asılı olmayaraq qadınların cinsi istismarına şərait yaratmaqla bərabər, həm də minbir hoqqalara da qol qoyur. Həmin ünvandan çəkilmiş çəklişlər və əldə olunan görüntülər, sadalanan faktların həqiqət olduğunu bir daha sübut edir.
Maraqlı haldır ki, həmin ünvanda baş verən həngamələr haqda, hələ bir müddət bundan əvvəl müəyyən açıqlamalarla çıxış edib, aiddiyyəti qurumları da məlumatlandırmışdıq. Yazıb bildirmişdik ki, İlqar “abi”nin qol qoyduğu əməllər, atdığı addımlar, xalqımıza məxsus milli-mənəvi əxlaqımızla ziddiyyət təşkil etməklə bərabər, tarixi keçmişi olan adət-ənənələrimizin də unudulmasına xidmət edir. Bəs bu belə olduğu halda, səbəb nədir ki, ona qaşın üstə qara var deyilmir, bir kimsə onun xətrinə dəymir.
Əldə etdiyimiz başqa bir məlumatlarda o da bildirilir ki, İlqar “abi”nin belə bir əməllərə qol qoymasının pərdəarxası məqamları da var. Yəni, o, hər ay müəyyən qurum sahiblərinin hüzuruna “təşrif” buyurur və onların “bığı”nın altından həm “sağa”, həm də “sola” keçir. Bu zaman “bəxtini açan” İlqar “abi”, çox keçmir ki, səlahiyyət sahibi olanlardan “dobro” alır və qorxusuz, ülküsüz fəaliyyətini də davam etdirir.
Bəli, bu gün İlqar “abi”nin adı dillər əzbəridir. Məhz, ona görə ki, o, hal-hazırda sahibi olduğu ünvanda qadınları həm cinsi istismara, həm də cinsi zoraklığa məruz qoydurur. Və belə bir halların baş verməsi üçün, müəyyən mənada şərait də yaradıb. Amma, onu da başa düşmək gərəkdir ki, həmin kafedə lazımınca şərait olmadığından, ora üz tutan gənclərin çoxu minbir xəstəliyin daşıyıcısına da çevrilirlər. Bu isə gələcəyimiz hesab etdiyimiz nəslin, genefonduna vurulan ən böyük zərbələrdən biri olur.
Bəs bu belə olduğu halda, görəsən səbəb nədir ki, İlqar “abi”nin “məhsuldar” fəaliyyətinə son qoyulmur? Bax, bu haqda düşünmək, bir qədər də götür-qoy etmək lazımdır ki, olub-keçənlərdən az-çox xəbər tutmaq mümkün olsun.
Hörmətli oxucular! Növbəti açıqlamamızı bir-iki gün oxuya biləcəksiniz. Odur ki, diqqətiniz biz də, həm də yazacaqlarımız da olsun ki, müəyyən mətləblərdən xəbər tuta biləsiniz.
Bizi izləməyi unutmayın!

Elmar Nuruoğlu