R. Zeynalov - Tarix yaradan rəhbər

Prezident İlham Əliyevin sosial şəbəkə hesablarında Qurban bayramı münasibətilə paylaşım edilib

Prezident müşavirə keçirib - FOTOLAR

İlham Əliyev: WUF13-ə ev sahibliyi etmək bizim üçün böyük şərəfdir

İlham Əliyev "Euronews" televiziyasına müsahibə verib

Prezident və TDT-nin qeyri-rəsmi Zirvə görüşünün digər iştirakçıları Türküstanda bir sıra mədəni məkanlarla tanış olublar

İlham Əliyev Türküstanda TDT-nin qeyri-rəsmi Zirvə görüşündə iştirak edir

İlham Əliyev Qazaxıstanda işgüzar səfərdədir

İlham Əliyev Slovakiya Milli Şurası sədrinin başçılıq etdiyi nümayəndə heyətini qəbul edib

R. Zeynalov - Tarix yaradan rəhbər

Gundem

Oxunub: 1 746

10 may 2014 | 13:43

Bu gün 10 may dahi rəhbər Heydər Əliyevin ad günüdür.
Ulu öndər Heydər Əiyevin şəxsiyyətinin gerçək miqyası zaman keçdikcə daha aydın dərk olunur. Bütün böyük şəxslərin bir ortaq cəhəti var - onların hamısını tanıyıb, dəyərləndirə bilmək üçün zaman lazımdır. Çünki onlar konkret zamanın çərçivəsində yox, tarixdə yaşayırlar. Heydər Əliyev tarixin yaratdığı şəxsiyyət idi və özü də tarix yaradırdı.
"İstənilən xalqa şəxsiyyətlər lazımdır. Onlarsız keçinmək mümkün deyil",- bunu Heydər Əliyev deyirdi. Amma milli lider onu demirdi ki, zəif xalqların, yaxud kiçik dövlətlərin güclü şəxsiyyətlərə ehtiyacı lap çox olur. Çünki dövlətin müstəqillik qazanması tarixin, həmin müstəqilliyin qorunub saxlanması isə şəxsiyyətlərin işidir. Etiraf etməliyik ki, Azərbaycan 20-ci əsrdə iki dəfə müstəqillik əldə edib və bunların ikisi də tarixin gərdişi - yəni böyük imperiyaların çökməsi nəticəsində baş verib. Birinci müstəqilliyin nəticəsi ancaq ərazi itkisi və böyük qurbanlar oldu. Etiraf etməliyik ki, ikinci də belə ola bilərdi, əgər bu dəfə tarix səhnəsinə Böyük Şəxsiyyət qədəm qoymasaydı. Məhz Heydər Əliyev müstəqilliyimizi dönməz hala gətirdi, dövlətçiliyi formalaşdırdı, ölkəni parçalanmağa qoymadı, savaşı durdurdu və xalqı qırğına vermədi.
Heydər Əliyev tarixdə SSRİ-nin siyasət olimpini fəth edən azərbaycanlı kimi də qalacaq, müstəqil Azərbaycanın Prezidenti kimi də. Amma bu cür xarakterizə olunmayacaq. Böyük tarixin prizmasından baxanda bunlar nisbətən kiçik işlərdir. Heydər Əliyev tarixdə məhz Azərbaycanın taleyində dönüş edən, onu qısa müstəqilliklərlə uzun əsarətlər və parçalanmalar ziqzaqından çıxarıb, uğur zolağına döndərən Böyük Dövlət Adamı kimi xarakterizə olunacaq. Bunu Ona qədər heç kim bacarmamışdı. Düzdür, Azərbaycan xalqı böyük sərkərdələr çox yetirib, amma bu cür böyük dövlət adamları yetirməmişdi. Fərq ondadır ki, sərkərdələr tarix üçün yox, sadəcə yaşadıqları dövr üçün işləyirlər. İstənilən dövr isə keçib gedir. Böyük sərkərdə olmaq asandır, dövlət adamı olmaq çətin. Dövlət adamı yaşadığı anı yox, daha çox gələcəyi fikirləşir. Bu mənada Heydər Əliyev Azərbaycanın bütün tarixində qazanılan ən böyük qələbəyə imza atıb: həm tarixə, həm də xalqa böyük bir miras buraxıb.

Ramiz Zeynalov
DİN Baş DYP İdarəsinin rəisi