Ağstafada Dövlət Sərhəd Xidmətinin yeni hərbi hissə Kompleksinin, Şəmkir sərhəd dəstəsinin Ağgöl sərhəd komendantlığı və təlim mərkəzi fəaliyyətə başlayıb. DSX-nın rəisi Sərhəd Qoşunları Komandanı general polkovnik Elçin Quliyev hərbi hissədə aparılan tikinti işləri ilə tanış olub. Ərazisi 12 hektardan çox olan hərbi hissədə 16 bina, 56 xidməti mənzil, 300 nəfərlik əsgər kazarması, yeməkxana, tibb məntəqəsi və texniki binalar inşa edilib. Elçin Quliyev Ağgöl sərhəd komendantlığı və təlim mərkəzində zabit-gizirlər üçün yaradılan şəraitlə tanış olub. Daha sonra taktiki təlimlər zamanı fərqlənmiş hərbi qulluqçulara medallar, fəxri fərmanlar və qiymətli hədiyyələr təqdim olunub. Qeyd edək ki, xidməti ərazidə "Azərbaycan Respublikasının ərazisinə düşmənin terror-təxribat qruplarının hücumlarının qarşısının alınması və məhv edilməsi" mövzusunda DSX-nin çevik hərəkət bölmələrinin, döyüş helikopterlərinin, zirehli texnikanın və zenit raket komplekslərinin iştirakı ilə döyüş atışlı taktiki təlimlər keçirilib.

http://kepeztv.az