Bakı Biznes Universiteti, deyəsən lisenziyasız qalacaq

AQEM-in 7-ci Zirvə Toplantısı keçirilir - Fotolar - Yenilənir

Gürcüstanla sərhədin delimitasiyası və demarkasiyası üzrə Dövlət Komissiyasının - Yeni tərkibi

İlham Əliyev Vladimir Putin və Sərdar Berdiməhəmmədovla görüşdü - FOTO

İlham Əliyev MDB Dövlət Başçıları Şurasının iclasında çıxış edir - YENİLƏNDİ

Türkmənbaşı şəhərində sənədlərin imzalanması mərasimi oldu

İlham Əliyev "Avaza" Kompleksində

Azərbaycan Prezidenti yeni səfiri qəbul etdi - FOTOLAR

İlham Əliyev dərman istehsalı müəssisəsinin açılışında - FOTOLAR

Bakı Biznes Universiteti, deyəsən lisenziyasız qalacaq

Gundem

Oxunub: 2 174

5 in 2016 | 18:04

Bakı Biznes Universiteti, deyəsən lisenziyasız qalacaq

Təhsil Naziri cənab Mikayıl Cabbarovun, Bakı Biznes Universitetinin rektoru İbad Abbasova qarşı münasibəti xeyli pisləşib. Buna səbəb, əksər təhsil ocaqlarında olduğu kimi, bu təhsil müəssisəsində də həddi-hüdudu bilinməyən problemlərin varlığıdır. Bu barədə mətbuat səhifələrində dəfələrlə yazılıb, təhsil ekspertləri tərəfindən təhlillər verilib, gərgin müzakirələr də aparılıb. Məsələn, Gundelik-baku.com-a istinadən bildiririk ki, özəl universitetlər yaranmağa başlanandan bu günədək xeyli çatışmazlıqlar ortaya çıxıb və zaman-zaman təhsilin səviyyəsi, professor-müəllim heyəti və maddi-texniki bazaya görə sıradan çıxma halları da baş verib. Xeyli müddət bundan əvvəl özəl təhsil ocaqlarından olan Azərbaycan İctimai-Siyasi Universitetinin də lisenziyası ləğv edildi. Buna səbəb, adı çəkilən təhsil ocağında təhsilin istiqamətinin və niyyətinin bəlli olmaması idi. Yəni, bu universitetdə təhsilin keyfiyyətindən danışmaq heç cür mümkün deyildi. Araşdırmalar göstərir ki, hələ bir neçə özəl ali təhsil müəssisəsinin də bağlanması, artıq günün tələbinə çevrilib.

Belə təhsil ocaqları sırasında Bakı Biznes Universitetinin adı xüsusilə vurğulanır. Qeyd edək ki, bu universitetin lisenziyasının müddəti 2010-2011-ci tədris ilində 5 illiyinə artırılıb. Yəni builki qəbul imtahanları başa çatdıqdan sonra, bu ali təhsil müəssisəsinə verilmiş lisenziyanın vaxtı bitir və əldə etdiyimiz məlumatlara görə Təhsil Nazirliyinin rəhbərliyi də, Bakı Biznes Universitetinin lisenziyasının müddətini heç də uzatmaq fikrində deyil. Buna səbəb, sözügedən universitetdə təhsilin günün tələblərinə cavab verməməsi, kadr hazırlığındakı qüsurlar və keyfiyyətli təhsil sisteminə üstünlük verilməməsidir.

Aparılan araşdırmalar nəticəsində o da məlum olub ki, Bakı Biznes Universitetini bitirən gənclər həyatlarının sonrakı mərhələlərində uğur qazana bilmirlər, ən yaxşı halda hansısa tikinti şirkətində fəhlə işləyirlər. Başqa sözlə desək, müxtəlif dövlət idarə və müəssisələrdə, hətta özəl sahələrdə belə bu universitetin diplomunu görüb işə düzəlmək istəyən şəxslərə rədd cavabı verirlər. Eyni zamanda verilən məlumatlarda o da bildirilir ki, İbad Abbasovun adının qanunsuz tələbə köçürmələrində və imtahan zamanı pul yığımlarında hallandırılması, artıq nazirliyin rəhbər şəxslərində, o cümlədən nazir Mikayıl Cabbarovda bu ali təhsil ocağına qarşı olduqca mənfi fikir formalaşdırıb. Çatdırılan məlumatlarda bildirilir ki, rektor İbad Abbasov daxili imtahanlara şəxsən nəzarət edir. Belə bir səbəblər üzündəndir ki, Bakı Biznes Universitetində təhsilin səviyyəsi ildən-ilə aşağı düşür. Bu da onu söyləməyə əsas verir ki, nazirliyin rəhbər şəxsləri universitetin lisenziyasını bağlanmasına çalışırlar. Qeyd olunanlarla bağlı, qarşı tərəfi də dinləməyə hazırıq.