O halda xanım Abbasovanın cavabı o olur ki, “xeyr, mən nə bir kimsədən qorxuram, nə də ki, çəkinirəm”

Gəncə “Dəmir Yol Xəstəxanası”nın ginekologiya şöbəsində ginekoloq vəzifəsində çalışan və “uşaq qatili” adı ilə məşhurlaşan Adilə Abbasovanın, deyəsən o böyük Allah-Təaladan heç bir qorxusu yoxdur. Çünki, o, ana bətnində olan 5-6 aylıq uşaqları doğrayıb, bu gün də özü üçün var-dövlət qazanmaqla məşğul olur. Yerli mənbənin informasiya mərkəzimizə çatdırdığı məlumatlarda bildirlir ki, “uşaq qatili” adı ilə tanınan Adilə Abbasova milyonçu olduğundan, bu gün o, illər uzunu əldə etdiyi külli miqdarda var-dövlətini pula çevirir və sələmçiliklə də məşğul olur. Çox təəccüb doğuran haldır ki, qadınların həyatına belə bir yolla təhlükə törədən, aldığı rüşvətin müqabilində körpələri rəhm etmədən doğrayan və bənzəri olmayan cinayət əməllərinə qol qoyan xanım Abbasova, görəsən bu gedişlə hara gedir və hara qədər də gedə biləcək? Bəs görəsən onun bu cür əməllərindən “Dəmir Yol Xəstəxanası”nın baş həkimi cənab Vidadi Seyidovun xəbəri varmı? Ginekoloq həkimin qol qoyduğu cinayət əməlləri barədə informasiya mərkəzimizə müracət edən Sahibə Nuriyeva, Aişə Əhmədova və Leyla Nəbiyeva adlı şəhər sakinləri, “uşaq qatili” adı ilə məşhur olan Adilə xanımla bağlı inanılmaz iddialar da bildirmişlər.

Bir anlığa olsa belə öz-özlüyümüzdə fikirləşirik ki, adı çəkilən xəstəxanada ginekoloq vəzifəsində çalışan və "UŞAQ CƏLLADI" adı ilə tanınan Adilə Abbasova, ana bətnindəki bir neçə aylıq körpələri döğrayıb “haqq-hesab” qazanarkən, heç vicdan əzabı çəkirmi? Axı, tibbi təhsil alan və səhiyyəmizin müxtəlif sahələrində ilk gündən əmək fəaliyyətinə başlayan hər kəs, öncə “Hippokrat andı”na and içərək “mən bu sahədə vicdanla, qanunun irəli sürdüyü tələblər əsasında çalışacağam” deyir. Amma, deyəsən Adilə xanım “Hippokrat andı”na yalnız and içdiyi gün əməl edib, sonrakı vaxtlarda isə, andını tamamilə unudub. Çünki, o, bu gün də körpələrə qənim kəsilməklə andına sədaqətsizliyini nümayiş etdirir və daşıdığı vəzifəsini yerinə yetirərkən, ginekoloq həkim deyil, yalnız “cəllad” rolunu oynayır. Elə ki, şəhər sakinlərinin informasiya mərkəzimizə yazmış olduqları müraciəti əsas tutaraq ona bir neçə sual ünvanlayırıq ki, siz bu cür əməllərlə niyə məşğul olursunuz? Ehtiyat etmirsinizmi ki, cinayət məsuliyyətinə cəlb oluna bilərsiniz ? O halda xanım Abbasovanın cavabı o olur ki, “xeyr, mən nə bir kimsədən qorxuram, nə də ki, çəkinirəm. Çünki, prokurorun da, rəisin də və digər vəzifə sahiblərinin də vaxtlı-vaxtında haqqını çatdırıram! Yeri gələndə lap yeddi aylıq uşağı da məhv edərəm, bir kimsə də mənim üçün heç bir problem yarada bilməz. Maraqlıdır, görəsən xanım “doxtur” kimə güvənir ki, bu cür arxayınçılıqla da danışır. Eyni zamanda o, bu qədər güçü hansı “daydayı”sından alır ki, nə bir kimsədən çəkinir, nə də ki, ehtiyat edir?

Digər tərəfdən, hər il 1-i iyun günü “Uşaqların Hüquqlarının Müdafiəsi Günü” kimi qeyd olunsa da, onların hüquqlarının müdafiəsi ilə bağlı lazımi addımlar atılsa da, nədənsə Adilə xanım uşaqların müdafiəçisi olmağa deyil, qənimi olmağa daha üstünlük verir. Görəsən onun bu cür əməllərindən səhiyyə naziri cənab Oqtay Şirəliyev, baş prokuror cənab Zakir Qaralov, daxili işlər naziri cənab Ramil Usubovun və digər vəzifə sahiblərinin xəbəri varmı? Elə ki, xanım Abbasovaya aidiyyəti qurumlara yaşananlarla bağlı şikayət edəcəyimizi bildiririk, o halda onun “yek cavab”ı o olur ki, "onsuz da şikayətinizə baxan olmayacaq. Çünki, var da məndə, pul da məndə” deyərək, hər dəfə özündən razı halda danışmağa üstünlük verir.

Belə olan halda ümidimizi göydə Allah-Təalaya, yerdə isə aidiyyəti qurumlarda vəzifə sahibi olanlara bəsləyirik ki, bəlkə sizlərin atacağınız əməli addımlar, Adilə Abbasovanın lazımınca cəzalandırılmasına şərait yaradacaq. Yoxsa o, bundan sonra da əndazəni lap aşacaq və daha çox körpələrə qənim kəsilməkdə davam edəcək. Problemin varlığını diqqətdə saxlayacağıq. Qarşı tərəfi də dinləməyə hazırıq.