Bəzi saytlar cəbhəyanı rayonların icra başçılarına da iftira atmaqdan çəkinmir. Guya yerlərində deyillər, Bakıda gizləniblər, əhali özbaşına qalıb.

Əgər söhbət Raqub Məmmədovdan gedirsə o hələ icra başçısı olmazdan əvvəl də, cəbhə xəttinə yaxın ərazidə strateji postda idi. Qarabağ müharibəsində kəşfiyyatçı olub. Döyüşkənliyini mərdliyini kimsə dana bilməz. Füzuli icra başçısı Alı Alıyev bir dəqiqə olsa rayonu tərk etməyib. Düşmən gülləsi altında olan rayon Azərbaycanın aran rayonlarının çoxundan abad və təmizdir. Füzulidə həyat öz axarı ilə gedir.

Tərtər icra başçısı Müstəqim Məmmədov isə mediaya günaşırı informasiya verir. Bu istiqamətdə döyüşlər daha ağır olduğu, düşmənin artilleriya zərbələrinə daha çox qaldığı üçün başçını hər bir normal jurnalist tapa və lazımlı informasiya ala bilir. Odur ki, rayonda olub-olmamasının heç sübuta ehtiyacı yoxdur.

Məsələ ondadır ki, yuxarıda sadaladığımız şəxsləri hədəfə alanların özlərinin milli və siyasi kimliyi aidiyyatı orqanlar tərəfindən mütləq araşdırılmalıdır. Belə görünür ki, bu yazılar sifarişlidir və cəbhəyanı bölgədə xof yaratmağa hesablanıb.

İdeologiya.az