«Hətta dahiliyin də sərhədləri var,axmaqlıq isə heç bir sərhəd tanımır”. Bu dahi sözlər Aleksandr Dümanındır- ölməz fransız yazıçısının

Doğrudan da nadanlıq, axmaqlıq və cahilliyin sərhəddi olmur. Bu gün Azərbaycan mediasına soxulmuş bəzi savadsız şəxslərin ucbatından jurnalistika haqda insanlarda mənfi təsəvvür yaranır.

Bildikləri, bilmədikləri sahələrdən yanlış, şər dolu informasiya yazanları heç qələm əhli adlandırmaq belə düzgün deyil. Bunlar ləkədir.

Qarabağın mərd oğullarılndan biri Akif Səlimov haqda yayılan növbəti böhtan dolu xəbər bizi bu sətirləri yazmağa məcbur etdi. Dırnaqarası jurnalistlər yazır ki, guya Akif Səlimovun bacanağı ermənidir. Odur ki, onun oğluna polisadə vəzifə tutmaq olmaq. Çünki erməni qohumları ilə xaricdə görüşüb məlumat ötürə bilərlər.

Bunu yazanları doğrusu şəxsən görmək istərdim. Soruşam ki, sən məxfi idarədə işləyirsən, yaxud agenturasan ki, DTX əvəzdən dövlət təhlükəsizliyi haqda düşünürsən? Kimsən axı? Haradandı səndə bu məlumat ki, kimsə xaricdə erməni ilə görüşüb məxfi məlumat ötürür?

Deməli belə çıxır ki, Azərbaycanın bu boyda təhlükəsizlik xidməti heç nə bilmir, iş görmür, əvəzində 200 manata ərsəyə gələn mikroskopik sayt kəşfiyyat məlumatı əldə edib. Belə çox gülməlidir.

İkincisi, Akif Səlimova Ulu Öndər Heydər Əliyev etimad göstərirdi. O cümlədən prezident İlham Əliyev də strateji postlara təhkim edib. O da etimadı doğruldub. Bunu bilmək üçün kiçik zaman ayırıb məlumatları oxumaq lazım.

Sizin erməni ilə qohumluqda ittiham etdiyiniz şəxs Qarabağ müharibəsində düşmənə qan uddurub.

1988-ci ildə ermənilərin separatçılıq niyyəti açıq müharibəyə çevrildiyi andan onun xidməti və vətəndaşlıq fəaliyyəti erməni faşistlərinə qarşı mübarizəyə həsr olunmuşdur. Siyasətə qoşulmayan könüllü döyüşçü dəstələrinin təşkili, döyüş məqsədi üçün polis batalyonlarının yaradılması və yüksək döyüş hazırlığına çatdırılması A.Səlimovun rəhbərliyi altında həyata keçirilmişdir. Şuşa, Laçın, Kəlbəcər, Füzuli, Horadiz ərazilərində aparılan qanlı döyüşlərdə qəhrəmanlıq göstərən,əcdadlarımızın adına layiq cəsarətlə, mərdliklə, qorxmazlıqla vuruşan Laçın polis dəstəsi bütün döyüş əməliyyatlarını bilavasitə polis polkovniki A.Səlimovun təşkilatçılığı, rəhbərliyi ilə keçirilmişdir. Azərbaycanın mübariz ənənələrinə sadiq olan laçınlı polislərin 50 nəfərə yaxını döyüşlərdə həlak olmuş, 144 nəfəri döyüşlərdə yaralanmışdır. Göstərilən igidliklərə görə 3 nəfər polis əməkdaşı “Azərbaycanın Milli Qəhrəmanı” adına, 3 nəfər isə “Azərbaycan Bayrağı” ordeninə layiq görülmüşdür. Düşmənin hərtərəfli öyrənilməsi, onun tarixi, mənşəyi, dini, dili, bəşəriyyət tarixində rolu və yeri istiqamətində A.Səlimovun sərbəst şəkildə apardığı araşdırma və tədqiqatların maraqlı nəticələri vardır.

İdeologiya.az