“Məlum olduğu kimi, ABŞ hazırda Azərbaycana qarşı siyasət yürütməyə başlayıb. Ağ Ev rəsmi Bakını günahlandıraraq, açıq şəkildə ermənilərin tərəfini tutur. Bu isə ABŞ-ın siyasətinin hansı tərəfin lehinə olduğundan xəbər verir. Qeyd etdiyimiz səbəblərə görə, USAİD-in Azərbaycanda qalıb, fəaliyyət göstərməsi düzgün deyil”.

Bu fikirləri Bizim.Media-ya açıqlamasında rusiyalı politoloq, Rusiya Siyasi Araşdırmalar İnstitutunun direktor müavini Daria Qrevtsova deyib.

USAİD-in ermənipərəst rəhbərinin Azərbaycana qarşı çirkin kampaniyasını şərh edən Daria Qrevtsova, hazırki vəziyyətdə qurumun Azərbaycanda fəaliyyətinin mümkün olmayacağını qeyd edib:

“USAİD ABŞ-a, ABŞ konqresinə birbaşa tabe olan və erməni lobbisinin aktiv işlədiyi bir dövlət departamentidir. USAİD hazırda erməni tərəfi üçün çıxış edən ABŞ siyasilərinin pulunu ödəyir. Həmçinin amerikalı siyasilərin Ermənistana səfərlərini təşkil edir.

Samanta Pauerin bu cür çıxışlar etməsi isə ilk belə hal deyil. Buna görə də, mən düşünürəm ki, USAİD-in Azərbaycanda fəaliyyəti çox təhlükəlidir. Hazırda ABŞ Azərbaycana qarşı açıq-aşkar çıxışlar edir. Bundan sonrakı mərhələdə USAİD-in Bakıda fəaliyyəti Azərbaycanın daxili işlərinə burnunu soxmaq kimi qiymətləndirilməlidir və bu da, təhlükəli hesab edilməlidir.

Çünki USAİD Azərbaycana qarşı olan hansısa bir layihəni maliyyələşdirə də bilər. Əslində Azərbaycanda fəaliyyət göstərən USAİD rəsmi Bakının siyasətini çox gözəl bilir. Hazırki durumda Azərbaycanı zəiflətmək Vaşinqtonun maraqları çərçivəsindədir. Bu səbəbdən də, USAİD tərkibində kəşfiyyatçıların işləməsi ehtimalı qaçılmazdır”, - deyə Daria Qrevtsova bildirib.

Qurum rəhbərinin erməni lobbisinə satıldığını deyən politoloq, USAİD-in məhz Azərbaycanın erməni lobbisinə vurduğu ciddi zərbədən sonra aktivlik göstərdiyinə diqqət çəkib.

Bakı USAİD-lə isti münasibətləri olan Ruben Vardanyanı həbs etməklə, həm də beynəlxalq təşkilatın iç üzünü ifşa etmiş oldu. Düzdür, erməni lobbisi ABŞ-da çox güclü bir təşkilatdır. Öncə onlar müxtəlif səsvermə kampaniyalarında sponsor kimi çıxış edirlər.

Həmçinin biz onların rolunu bir sıra KİV-in fəaliyyətində də görə bilərik. Təbii ki, həmin KİV-dəki xəbərlərdə Azərbaycana qarşı açıq-aşkar məlumatlar işıqlandırılır və Ermənistanın tərəfi saxlanılır. Elə faktlar irəli sürülür ki, həqiqətlə heç uyğun gəlmir. Buna misala olaraq Qarabağdan könüllü gedən insanları misal göstərmək olar. Hansı ki, onlar orada qala bilərdilər. Ancaq faktiki olaraq oradan qovulan Azərbaycan qaçqınları haqqında həqqiqətlər təkzib edilir.

Nəyə görə ABŞ bu haqda susur?

Bu da bizə onu göstərir ki, orada erməni lobbisinin gücü, sözü keçərlidir. Belə bir lobbiyə qarşı işləmək təbii ki, biraz çətindir, ancaq mümkünsüz deyil. Azərbaycan bunun üzərində aktiv şəkildə işləyir. Buna misal olaraq yaxın zamanlarda həbs olunan Ruben Vardanyanı göstərmək olar.

Məlumdur ki, onun Samanta Pauerlə, USAİD ilə yaxın əlaqələri var idi. Yox, əgər ABŞ öz səhvini başa düşüb Azərbaycana qarşı adekvat addımlar atarsa, o zaman bəlkə də ABŞ-a aid qurumların Azərbaycanda bərpası mümkün olar. Ancaq hələlik bu istiqamətdə müsbət addımları biz görmürük”, - deyə analitik əlavə edib.