Dünən Rusiyanın müxalifyönümlü saytlarından birində ölkə prezidenti Vladimir Putinin İslam dinini qəbul etməsi barədə yayılan xəbər dünyanı bir andaca qarışdırıb

Azerinfo.az xəbər verir ki, dünyanın bir sıra KİV-lərində yayılan bu qeyri-ciddi xəbər müzakirələrə səbəb olub. Hətta qardaş Türkiyədə də xəbər bir andaca tirajlanıb.

Qeyd edək ki, Rusiya prezidenti Vladimir Putinin mətbuat müşaviri Dmitri Peskovun adından yayılan açıqlamada, ölkə başçısının İslam dinini qəbul etdiyi bildirilib.

Sayt həmçinin, Xarici İşlər naziri Lavrovun adından da açıqlama yayaraq, tezliklə İŞİD-dən bir nümayəndə heyyətinin Moskvaya gələcəyini də yazıb.

Çeçenistan prezidenti Ramzan Kadırovun adından yazılan açıqlamada isə, Putinin "kafirlərə və münafiqlərə qarşı cihad edəcəyi" bildirilib.

Sayt xəbəri "Interfax" agentliyinə istinadən yaysa da, axtarışlar nəticəsində adı çəkilən informasiya orqanında belə bir xəbərin olmadığı məlum olub.