Mosulun İŞİD-in əlinə keçdiyini görən rəsmi Tehran buradakı qüvvəsini itirməmək üçün təşkilatın kopyasını qurub.

Aazerinfo.az xarici mətbuata istinadən xəbər verir ki, "əl-Xorasani briqadası" adı verilən bu təşkilatın qurulması 9 aya tamamlanıb. Təşkilat hər cür ağır silah və hərbi texnika ilə təchiz olunub.

Mətbuatda yer alan xəbərlərdə bildirilir ki, İŞİD-in Suriya və İraqda mövqe sahibi olması qonşu dövlət olan İranın maraqlarını təhlükəyə salıb. Məhz buna görə də İran bölgədəki İranmeyilli qruplaşmalara dəstəyini artırıb.

9 ay əvvəl qurulan və eynilə "Mehdi Ordusu" və "Bədr Briqadaları" kimi qabaqcıl silahlarla təchiz olunmuş bu təşkilatın qısa bir zamanda hərbi və siyasi işləri qısa bir zamanda tamamlanıb.

Hədəfinin İraqın Ramadi şəhərinə girişinə mane olmaq, Nəcəf, Kərbəla, Bağdadı qorumaq və İŞİD-i məhv etmək olduğunu açıqlayan qruplaşma Tikrit əməliyyatlarında da aktiv rol alıb.

Qeyd edək ki, İranlı General Həmid Takavi bu təşkilatın koordinasiyası üçün ötən ilin sonunda İraqa gəlmiş və burada öldürülmüşdü. Takavi və komandasının əl-Xorasani üzvlərinə təlim keçdiklərinə dair fotoşəkillər internetdə yayılmışdı.

Qərargahı Bağdadın şərqində yerləşən təşkilat eynilə İŞİD kimi dövlət formasında qurulmuşdur. Təşkilatın nazirləri və millət vəkilləri də. Təşkilatın lideri Seyid Əli Yasirdir.

Yerli mənbələrdən əldə olunan məlumatda təşkilat üzvlərinin son model Mitsubishi və Hyundai avtomobillərindən istifadə etdiklər və AK-47 S və M16 tipli avtomat silahlar, SVD tipli snayperlər və RPG-7 tipli qumbaraatanlarla təchiz olunmuşdur.

Təşkilatın heç bir qanuni haqqı olmamasına baxmayaraq İraq torpaqlarında çox rahat hərəkət edə bilir və heç bir maneə ilə qarşılaşmırlar.

Bu təşkilatın ən maraqlı olan tərəfi isə bütün incə detalları ilə İŞİD-ə bənzəməsidir. Mosulun İŞİD-in əlinə keçməsindən sonra YouTube-də bir kanal açan təşkilat İŞİD-ə qarşı həyata keçirilən bütün video çarxları buraya yerləşdirir.

İŞİD-in 20140cü ilin iyun ayında Mosulu ələ keçirməsi rəsmi Tehran tərəfindən də birmənalı qarşılanmadı. Təhlükəni görən İran "Qüds Gücü"-ndən istifadə edərək İŞİD-ə alternativ ola biləcək yeni bir təşkilat qurmaq qərarına gəldi.

Sosial şəbəkələrdə 9 ay bundan əvvəl müzakirələrə səbəb olan bu təşkilat qısa zamanda güclü bir təşkilat halına gəldi.

Mütəxəssislər belə bir gücə malik təşkilatın qurulması üçün uzun illərin və yalnız hərbi vəsait üçün milyonlarla dollar maddi vəsaitin lazım olduğunu bildirir.