Venesuela hökuməti ABŞ diplomatlarının ölkəyə girişini məhdudlaşdıracaq və vətəndaşlarına viza rejimi tətbiq edəcək.

Azerinfo.az Axar.az-a istinadən xəbər verir ki, bu barədə danışan Venesuela Prezidenti Nikolas Maduro dövlətin daxili işlərinə ABŞ-ın müdaxilə etdiyini bildirib.

ABŞ və Venesuela arasında münasibətlər kəskin şəkildə pisləşir. Bundan əvvəl isə Maduro dövlət çevrilişi təşkil etməyə cəhd edən ABŞ xüsusi xidmət orqanlarını ittiham etmişdi. Vaşinqton bu bəyanatları cəfəngiyat adlandırmışdı.

Yeni qərara əsasən, ABŞ diplomatları Venesuelaya təşrif buyurmaq üçün Xarici İşlər Nazirliyindən razılıq almalı olacaqlar.