“Mən onun valideynlərini yaxşı xatırlayıram, onlar yaxşı adamlar idi”.

Çinli milyonçu doğulduğu kəndin bütün evlərini sökdürüb və həmyerlilərinə pulsuz lüks mənzillər və villalar bağışlayıb.

ANS PRESS xəbər verir ki, Sün Şuyxua yaşayış məntəqəsinin sakinlərinə keçmişdə göstərdikləri xeyirxahlığa görə minnətdarlıq edib.

İş adamı Çinin cənubunda yerləşən Ksinyu yaşayış məntəqəsini tamamilə yenidən qurub. O, 72 ailəni yeni lüks kiçik mərtəbəli evlərdə mənzillərə köçürüb. Xüsusi minnətdarlıq etmək istədiyi 18 ailəyə isə villa verib. Kənddə yeni yaşıllıqlar salıb, heykəllər qoyub, uşaq bağçası və art-mərkəz tikdirib.

54 yaşlı Sün Şuyxuanın kəndliləri onun işlərini xoş qarşılayırlar. “Mən onun valideynlərini yaxşı xatırlayıram, onlar yaxşı adamlar idi. Övladlarına xeyirxahlıq valideynlərindən irsən keçib”,- deyə kəndin ahıllarından biri deyib.