Azerinfo korrespondent.net saytına istinadən xəbər verir ki, Donbassda separatçıların əlində olan ukraynalı əsirlərin bir hissəsi separatçıların tərəfinə keçib. Bu barədə Ukraynanın "112Ukrayna" kanalına əsirləri dəyişmə mərkəzinin rəhbəri Vladimir Ruban məlumat verib.
"Bildirmək istəyirəm ki, siyahıda DXR və LXR tərəfə keçənlərin adları var. Dəqiqləşmiş məlumata görə onların sayı 650 nəfərdir. Lakin biz onları əsirlərin siyahısına salmışıq" - deyə Ruban bildirib. Ruban onu da əlavə edib ki, əks tərəflə əsirlərin mübadiləsi haqda danışılıb, 40-a 40 nəfər mübadilə ediləcək.
Korrespondent.net-in bu yaxınlarda verdiyi məlumata görə general Vasili Vovk bildirmişdi ki, separatçıların əlində 376 əsir var.
Qeyd edək ki, əsirlərin sonuncu mübadiləsi noyabrın 17-də Donetsk yaxınlığında baş tutmuşdu.