Sinaqoqa ibadət üçün gələnlərdən 4 nəfər vəhşicəsinə öldürüldü, 8 nəfər isə ağır yaralandı.

Azerinfo xarici mətbuata istinadən xəbər verir ki, İsrailin Yeruşalayim Har Nof bölgəsində yerləşən Sinaqoqa səhər saatlarında 2 nəfər terroçu tərəfindən basqın edilib. Tapança, balta və bıçaqla silahlanmış terrorçular 4 nəfəri öldürüb 6 nəfəri ağır olmaqla 8 nəfəri yaralayıblar.
Terrorçular İsrail polisi tərəfindən vurularaq zərəsizləşdiriliblər.
Son zamanlar Qüdsdə israillilərin Dağüstü Məbəd adlandırdığı Hərəm əs-Şərif məsçidi ətrafında yaranmış mübahisələrə görə, israillilərlə fələstinlilər arasında gərginliyin artması müşahidə olunurdu. İsrail Baş naziri Benjamin Netanyahu sinaqoqa hücuma və törədilmiş qətl hadissəsinə "kəskin cavab" veriləcəyini vəd edib.

"Bu, Həmas və Əbu Mazin (Mahmud Abbas) tərəfindən həyata keçirilən təhrikin nəticəsidir", Benjamin Netanyahu bəyanatında bildirib. Həmas və Mahmud Abbasın Fəttah partiyası bu ilin əvvəlində birlik hökümətini yaratmaq razılığına gəlmişdilər. Həmas və İslamı cihad fələstin islamçı hərbiləşmiş qrup hücumu alqışlayıblar. İsrail hər iki qrupu terrorçu təşkilat sayır. Fələstin lideri Mahmud Abbas hadisəyə hələlik münasibətini bildirməyib. Bu arada ABŞ Dövlət Katibi John Kerry Fələstin rəhbərliyini hücumu pisləməyə çağırıb.