Hərbi Hava İzləmə Alyansının (MATA) məlumatlarına görə, ABŞ hərbi komandanlığı İran yaxınlığındakı Yaxın Şərq bazalarında 230-dan çox qırıcı və hücum təyyarəsindən ibarət böyük taktiki aviasiya qrupunu saxlamağa davam edir. Itamilradar portalının məlumatına görə, son iki həftə ərzində Yaxın Şərqdəki bəzi qırıcı eskadrilyalar rotasiya çərçivəsində dəyişdirilib, lakin onların ümumi sayı azalmayıb. Amerika döyüş təyyarələrinin əksəriyyəti İordaniyada, İsraildə, Səudiyyə Ərəbistanında və Birləşmiş Ərəb Əmirliklərində yerləşdirilib.

50 minlik əsgər

Ümumilikdə, ABŞ Mərkəzi Komandanlığının Yaxın Şərqdəki bazalarında hazırda təxminən 208 qırıcı təyyarəsi var, o cümlədən 65 F-35A/C, 64 F-15E, 61 F-16C, 12 F/A-18C/D və 6 EA-18G, eləcə də 30 A-10 hücum təyyarəsi. Eyni zamanda, İranın Ərəbistan dənizinin cənub-şərqində döyüş növbətçiliyi aparan iki təyyarədaşıyan gəmidə və böyük bir amfibiya təyyarədaşıyan gəmidə F/A-18 və F-35 də daxil olmaqla 110-dan çox qırıcı təyyarə yerləşdirilib.

“The Wall Street Journal” qəzetinin ötən həftə mənbələrə istinadən verdiyi məlumata görə, Pentaqon katibi Pit Heqset Amerika qoşunlarının Yaxın Şərqdə yerləşdirilməsini 2027-ci ilə qədər uzadıb. Mənbələrə görə, Heqset bölgədə 50.000 əsgərdən, iki təyyarədaşıyan gəmi və 13 idarə olunan raket esminesi də daxil olmaqla 19 hərbi gəmidən, hava hücumundan müdafiə bölmələrindən, çoxsaylı qırıcı eskadrilyalardan və 82-ci Hava-Desant Diviziyasının bölmələrindən ibarət qüvvə saxlayır.

Tehrandan hədə

Mənbələr bildirir ki, bütün bunlar, İranla hərbi münaqişənin gələn ilə qədər davam edə biləcəyini və Tramp administrasiyasının hərbi əməliyyatların şiddətlənməsi halında güclü hücum imkanlarını qorumaq istədiyini göstərir. İranın Ali Milli Təhlükəsizlik Şurasının katibi Möhsün Rzayi ABŞ-ın ölkəsinə qarşı iqtisadi təcrid siyasətinin cavabsız qalmayacağını bildirib. Rzayi bildirib ki, Vaşinqtonun Tehrana iqtisadi təzyiqi İran ordusu tərəfindən bütün Hörmüz boğazının tam blokadası ilə təhdid edir.

Rzayi deyib ki, iqtisadi müharibə Fars körfəzindən ABŞ-ın dəniz blokadasının başladığı əraziyə qədər uzanan qadağan olunmuş zona ilə qarşılaşacaq. "Son günlərdə Vaşinqton yeni İran raketləri ilə bağlı açıq bir xəbərdarlıq alıb. İqtisadi müharibə Fars körfəzindən blokada perimetrinə qədər dəniz təcrid zonası ilə qarşılanacaq. Amerika gəmiləri və bazaları ilə bağlı əməliyyat strategiyası kökündən yenidən nəzərdən keçirilib" – deyə Rezai sosial mediada yazıb. İran Xarici İşlər Nazirliyi isə bildirib ki, Tehranın ABŞ-ın tətbiq etdiyi dəniz blokadası və sanksiyaları ilə əlaqədar öz maraqlarını qorumaq üçün tədbirlər görmək hüququ var.

Qarşılıqlı zərbələr

Qeyd edək ki, ABŞ hərbçiləri İranın beş neft tankerini məhv edib. CENTCOM qüvvələri sentyabrın 8-də İran İslam İnqilabı Keşikçiləri Korpusunun son iki gün ərzində ABŞ Hərbi Dəniz Qüvvələrinin gəmilərinə iki dəfə ballistik raketlərlə hücum etməsindən sonra beş İran neft tankerini məhv edib”, - komandanlığın bəyanatında deyilir.

CENTCOM-un məlumatına görə, Oman körfəzində yerləşən “Kaviz”, “Charminar”, “Horizon 1” və “Riesco” tankerləri, həmçinin Xark adası yaxınlığında olan “Derya” gəmisi məhv edilib. Bəyanatda qeyd olunur ki, sentyabrın 5-də ABŞ hərbçiləri İran İslam Respublikasına məxsus üç neft tankerini də məhv edib. İran İslam İnqilabı Keşikçiləri Korpusu (SEPAH) texniki xidmət və qırıcıların hazırlanması üçün nəzərdə tutulan anqarlara, F-35, F-16 və F-15 qırıcılarının yerləşdiyi ərazilərə, həmçinin təyyarə sığınacaqlarına 25-40 ballistik raket atıb. Zərbələri zərərsizləşdirmək üçün İordaniya və ABŞ HHM sistemləri 60-dan çox “Patriot” raketi buraxıb.

“Tasnim” xəbər agentliyi SEPAH-ın mətbuat xidmətinə istinadən bildirir ki, raket zərbələri qanadlı raketlər və “Aegis” sistemi ilə təchiz edilmiş iki ABŞ esminesinə; DDG-119 və DDG-53-ə də endirilib. Bundan əlavə, “Fars” körfəzində Hörmüz boğazını keçməsinin qarşısını almaq məqsədilə 8 tanker və 10 qayda pozan gəmi də hücuma məruz qalıb.
İslam İnqilabı Keşikçiləri Korpusu (SEPAH) ABŞ esmineslərinə uğurlu ballistik raket zərbələri endirdiyini açıqlayıb. İran Dövlət Radiosu məlumat yayıb. "İslam İnqilabı Keşikçiləri Korpusunun Aerokosmik Qüvvələri ballistik raket əməliyyatı zamanı qanadlı raketlər və “Aegis” ilə təchiz olunmuş DDG-119 və DDG-53 döyüş gəmilərini vurub", SEPAH-ın açıqlamasında deyilir. Gəmilərə ciddi ziyan dəydiyi bildirilir.

“ABŞ İran rejimindən əl çəkməyəcək”

Professor Qabil Hüseynli hesab edir ki, ABŞ-İran müharibəsi davam edəcək. Onun sözlərinə görə, tərəflər qarşılıqlı zərbələrlə gərginliyi bu tempdə saxlamaqda maraqlı görünür.

“Xüsusən də ABŞ İranı bu hücumlarla təzyiq altından çıxmağa qoymur. Çünki sistemin zəifləməsinə, İran iqtisadiyyatının çöküşünə hesablanıb. Şübhəsiz ki, fevraldan bura İranda ciddi zəifləmə var. Pezeşkian da etiraf edir ki, gəlirlər azalıb. Lakin İran tək deyil və dəstək qazanır. Həmçinin, Hörmüz boğazında böhran neftin qiymətlərini artırır və bu da SEPAH üçün sərfəlidir. Çünki neft dünya bazarına baha qiymətə çıxarılır”,_ deyə politoloq bildirib.


Qabil Hüseynlinin fikrincə, ABŞ İran rejimindən əl çəkməyəcək: “Aralıq seçkilərindən sonra zərbələrin intensivliyi arta bilər. Hazırda buy müharibənin sonu görünmür. Yəni ABŞ strateji hədəflərinə tamamilə çatmadığına görə müharibəni davam etdirmək məcburiyyətindədir”.