Macarıstan baş naziri Viktor Orbanın bu gün ABŞ Prezidenti Donald Trampla görüşündən əvvəl hər iki partiyadan olan bir qrup ABŞ senatoru Budapeşti Rusiya enerji ehtiyatlarını almağı dayandırmağa çağırıb.

Bloomberg xəbər verir ki, qanunvericilər Macarıstanın "Rusiya yanacağından asılılığını azaltmaq üçün heç bir cəhd göstərməməsindən" narahatdırlar. Onlar Orbanı və Rusiya neftinin və digər resurslarının digər istehlakçılarını 2027-ci ilə qədər idxala son qoymaq üçün Avropa Komissiyasının təşəbbüsünə qoşulmağa çağırıblar.

Qətnaməni respublikaçılar Rocer Viker, Tom Tillis və Mitç Makkonnell, eləcə də Demokratlar Janna Şahin, Kris Van Hollen və Kris Kuns da daxil olmaqla on senator imzalayıb.

"Avropa Moskva ilə enerji əlaqələrini kəsməkdə fövqəladə irəliləyiş əldə edib, lakin Macarıstanın hərəkətləri kollektiv təhlükəsizliyi sarsıtmağa və Kremli cəsarətləndirməyə davam edir", - Şahin deyib.

Qeyd edək ki, Orban Vaşinqton səfəri zamanı Rusiya neftinə qarşı sanksiyalardan Macarıstana istisna əldə etməyə çalışacağını açıqlayıb.