Naxçıvan MR Ali Məclisi ildə 2 dəfə toplaşırdı. Cənab "xan"ın "xı" "xı" əsrdən qalma bayağı nitqini dinlədikdən sonra hər kəs mürəxxəs olub işinin-gücünün dalınca gedirdi.
Buna baxmayaraq, Ali Məclisin bir də Mətbuat Xidməti var. İşi-gücü ildə iki dəfə çağırılan sessiya və "xan"ın həftə səkkiz mən doqquz çıxardığı sərəncamlar, fərmanlar barədə məlumat paylaşmaqdır. Yəqin ki, bu "ağır" iş üçün yaxşı da maaş alır.
Təsəvvür edin ki, uzağı bir aydan bir əlinə qələm alan Ali Məclisin Mətbuat xidməti "xan" həzrətlərinin xalqın adından seçdiyi deputatların cinsiyyətini belə müəyyənləşdirə bilməyib.
12 saylı məktəbə direktor təyin olunan Turan Məmmədli qadın olduğu halda, rəsmi siyahıya kişi kimi düşüb. Bir çox media orqanları və jurnalistlər də, o cümlədən mən qalmaqalın qopduğu ilk günlərdə bu siyahıya etibar edib Turan xanımı kişi sanmışdıq. Hətta onun xadiməyə niyə "mən ərə gedəndə sən də gedərsən" dediyini ən azı bir gün anlaya bilməmişdim. Sonradan Turan xanımın qadın olduğu anlaşılandan sonra müəmmanın əsl səbəbini başa düşdüm.Heyder Oguz