Nəsimi rayon icra başçısı Asif Əsgərov Xətai rayon icra hakimiyyətinin başçısından sonra ikinci saf adamdır.
İnanın adam o qədər məsumdur ki, rayon ərazisində baş verən heç nədən xəbəri yoxdur. İçəri küçələrdən hamısını satıblar, yekə göydələnlər tikilir, adam xəbərsizdir. Ağaclar kəsilir, adam xəbərsizdir. Dükanlar tikilir, adam xəbərsizdir .
Əcəmi metrosu ətrafı və mikrorayonlarda köhnə, qəzalı vəziyyətdə olan binalar təxminən 2-3 il əvvəl baş nazirin imzaladığı sərəncamla pilot lahiyəyə salınıb qəzalı binaların yerində yeni hündür mərtəbəli binalar tikilməlidir . Amma rayon icra hakimiyyəti qəzalı binaların üstünə əhəng yaxıb"təmir edir, qarşısına iki -üç yolka əkərək büdcədən milyardlar silir . TEREF.AZ xəbər verir ki, bunu jurnalist Pərvin Abışova öz sosial şəbəkə səhifəsində yazıb. Fikrini davam etdirən jurnalist daha sonra yazır:
Burda maraqlı sual ortaya çıxır. Əgər həmin ərazilərdə olan binalar qəzalı vəziyyətdədirsə və 2-3 ilə söküləcəksə niyə büdcəyə ziyan vurulmalıdır? Belə də götürəndə nəyimə lazım? Guya büdcədə qalsa, mənə xərcləyəcəklər? Ehh cəhənnəmə ki. Sözüm onda yox.
Alı Mustafayev küçəsi ilə Rəşid Məmmədov küçəsinin kəsişməsində yerləşən binanın yanında bir yaşıllıq ərazi var idi. Yayda insanlar orada istirahət edirdilər. İndi etməsinlər. O ərazi də qəşşəngcə satılıb, yerində restoran tikilir. Ağacların da çoxu kəsilərək yerində beton tökülüb. Düzdür, indi biz ağacların kəsilməsini sübut edə bilmərik. Çünki şaxlı -şəvəlli itiriblər. Görən FHN bura necə rəy verib? Görən şəhərsalma neçəyə göz yumur? Görən icra başçısından bunu niyə gizlədirlər ki, kişi bixəbərdir,bixəbərdir,biixəəəbəəərdir?
Asif bəy can. Səndən yenə də gizlədiblər. Ürəyim xarab olduyeeeee
Teref.az olaraq məqalədə iddia olunan məsələlərlə bağlı adları çəkilən şəxs və qurumların mövqeyini dərc edə bilərik!