Son günlər Naxçıvanda baş vcerən olaylar əslində gözlənilən olmasa da, arzuolunan hesab olunmalıdır. Hər halda, özünün hazırki idarəetmə forması ilə hər zaman ölkəmizin suverenliyi və unitarlığı üçün təhdid hesab olunan Naxçıvan MR-lə bağlı aparılan islahatları hər kəs alqışlayır. Bunu elə reaksiyalardan da görmək olar.

İslahatları zəruri edən başlıca amillərdən biri də Vasif Talıbovun uzun müddət boyunca Naxçıvanı bir xanlıq şəklində idarə etməsi faktıdır. Xan istədiyini edib və aşkardır. Elə aşağıda təqdim edəcəyimiz fakt da Naxçıvanda islahatların nə qədər vacib olduğunu şərtləşdirir.

Sosial şəbəkələrdə Naxçıvan Muxtar Respublikası Maliyyə nazirinin müavini Həsən İsmayılov Naxçıvan Dövlət Universitetinin 2 ci kurs əyani (magistratura) tələbəsi olması faktı ictimailəşib.

Hətta bu olaya qiymət verən SŞ istifadəçiləri "İnşallah, diplomunu alanda nazir işləyəcək" deyərək ironik reaksiyalarını da əsirgəməyiblər. Hər halda, bu fakt Naxçıvanda dövlət idarəetməsinin nə qədər absurd prinsiplərə söykəndiyini ortaya qoymaqdadır...

Məsələ ilə bağlı dia.az olaraq bütün maraqlı tərəfləri dinləməyə hazırıq...