Bir müdət bundan əvvəl yazıb bildirmişdik ki, əslən Zaqatala rayonundan olan Ülkər xanım, Tovuz çayının kənarında "xariqələr" yaratmaqla bərabər, eyni zamanda milli-mənəvi əxlaqımızın tapdaq altına atılmasına da, hər cür şərait yaratmaqdadır. Yəni, o, bu yolda illər uzunu topladığı təcrübəsini, səriştəsini, bacara bildiyi imkanlarını bir kimsədən əsirgəmədən gündəlik "əzmlə" çalışmaqdadır. Diqqəti cəlb edən hal odur ki, Ülkər �xanım� artıq neçə illərdir ki, Tovuz rayonunda Tovuz çayının kənarındakı çökəklik ərazini özü üçün sanki məkan seçib və bir qədər də gözəgəlimli "xanım"ları, müxtəlif ünvanlardan ora dəvət etməkdədir. Amma həmin ünvana dəvət edilən "xanım"lar sağlam məqsədlər üçün deyil, tamam başqa məqsədlər üçün dəvət edilir ki, həmin dəvətlərin də mahiyyətini həm Ülkər "xanım", həm də həmin ünvana təşrif buyuranlar gözəl bilirlər.
Bir faktı da qeyd edək ki, onun qol qoyduğu əməllər, yəni yaş həddindən asılı olmayaraq qadınların həm cinsi istismara məruz qalmaları, həm də bunun üçün lazımi şəraiti yaratması barədə, hələ bir müddət bundan əvvəl geniş açıqlamalarla çıxış etmişdik. Yazıb onu da vurğulamışdıq ki, Ülkər "xanım"ın sahiblik etdiyi kafe, həm də minbir xəstəliyin yayılması üçün geniş imkanlar açan bir ünvandır. Düzdür, əldə etdiyimiz məlumatlara görə, dərc etdiyimiz açıqlamalardan və aidiyyəti üzrə bəzi qurumlara ünvanladığımız məktublardan sonra, onun əməlləri lazımınca araşdırılmış və Ülkər "xanım"la bağlı müəyyən tədbirlər də görülmüşdür. Hətta, sahiblik etdiyi kafenin bir müddət bağlı olması haqda, müfəssəl məlumatlar da əldə etmişdik.
Amma, bir qədər vaxt keçdikdən sonra adət etdiyi vərdişlərdən əl çəkməyən və qadınların cinsi istismara, cinsi zoraklğa məruz qalmalarına birbaşa səbəbkar olan Ülkər "xanım", deyəsən yenə də öz ampulasındadır. Rayondakı mənbəmizin və ölkəmizin qərb zonası üzrə bölgə müxbirimizin verdiyi məlumatlarda bildirilir ki, əgər o, əvvəllər bir qədər gizli fəaliyyət göstərirdisə, indi açıq-aşkar fəaliyyət göstərməkdədir. Məsələn, mənbə bildirir ki, o, çox zaman əsas giriş qapısını bağlı saxlatdırır ki, bir kimsə onun işləyib-işləməməsi haqda məlumatlı olmasın. Bu zaman onun tanıdığı və etibar etdiyi müştəriləri kafeyə daxil olmaq üçün, Ülkər "xanım"ın alternativ yolundan istifadə edirlər. Belə bir addım ona görə atılır ki, bir çoxları alternativ yolla kafeyə daxil olmağın qaydasını bilmirlər.
Maraqlı haldır ki, Tovuz rayonunda və ətraf ərazilərdə yaşayan sakinlərdən xeylisi bilir ki, Ülkər "xanım" kimdir və onun əməlləri nəyə hesablanır. Yəni, hansısa düşüncəyə dalmadan hər kəs dərk edir ki, onun əməlləri cəmiyyətimizin sağlamlığına deyil, daha çox mənəviyyatımızın, milli-mənəvi əxlaqımızın tapdaq altına atılmasına, gənc nəslin tərbiyəsinin pozulmasına, minbir xəstəliyin yayılmasına səbəb olan əməllərdir. Bu belə olduğu halda, görəsən səbəb nədir ki, Ülkər "xanım"ın əməllərinin qarşısı alınmır, ona qarşı ciddi tədbir görülmür?
Təəccüb doğuran hal odur ki, ölkə rəhbəri 06 fevral 2009-cu ul tarixli 133 nömrəli sərəncamla "İnsan Alverinə Qarşı Mübarizə üzrə Milli Fəaliyyət Planı"nı təsdiqləsə də, hələ ki, həmin sərəncamdan irəli gələn tələblərə məhəl qoyulmur. Qəbul olunmuş "Milli Fəaliyyət Planı"nda insan alverinin səbəblərini, ona şəraitin yaradılması, hallarının müəyyən edilməsi və aradan qaldırılması, onların hüquqlarının bərpası və sosial reablitasiyasının həyata keçirilməsi nəzərdə tutulur. Bütün bunlar qəbul olunmuş sənəddə öz əksini tapsa da, nədənsə Ülkər "xanım"ın sahiblik etdiyi kafedə və yerli hüquq-mühafizə orqanı əməkdaşlarının əməllərində, irəli sürülən tələblərə əməl edilmir, əksinə daha çox imkanlar yaradılır.
Ətraflı açıqlamalarımızı yaxın günlərdə yenidən oxuya biləcəksiniz. Odur ki, bizi izləməyi unutmayın.