İlin əsas hadisə kimi prezident İlham Əliyevin şəhərə 3 dəfə səfər etməsi və müxtəlif təyinatlı obyektlərin açılışı, təməlqoymasında iştirakı və tikintisi ilə tanışlığı önə çəkilib. Təhsil, səhiyyə, mədəniyyət sahəsində görülən işlər, icra edilən infrastruktur və ekoloji layihələrin əhəmiyyətinə diqqət yönəldilib. Eləcə də 25 il öncə tarixi adı özünə qaytarılan Gəncənin qədimiliyinin qorunması istiqamətində atılan addımlar, bunun fonunda müasir şəhər görkəmi alması tədbir iştirakçıları tərəfindən rəğbətlə qarşılanıb. Əldə edilən uğurların 2015-ci ildə görüləcək işlər üçün yaxşı zəmin yaratdığı bildirilib. Eləcə də Gəncəyə yeni təyin olunan şəhər prokuroru Fazil Həsənəliyev ictimaiyyətə təqdim edilib. İlin yekununa həsr edilən tədbir şəhərin sosial-ictimai həyatında əməyi olanların mükafatlandırılması ilə sona çatıb.

kepeztv.az