“Ovçular” MMC əhaliyə qurdlu sosislər satır

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

“Ovçular” MMC əhaliyə qurdlu sosislər satır

Sosial

Oxunub: 540

8 dek 2023 | 12:30

Bu günlərdə “Tik-Tok” sosial şəbəkəsində “Ovçular – klassik” sosis məhsulunun içindən qurd çıxdığını əks etdirən fideo-fakt paylaşılıb.
Zaman-zaman “Ovçular” MMC-nin məhullarının keyfiyyətsizliyi barədə məlumatlar dolaşıb. Bu məlumatların öz apogeyinə 2023-cü ilin avqust ayında çatdı. 2016-2022-ci illər ərzində “Ovçular” MMC-də çalışmış həkim, baytar və laboratoriya müdiri Sevinc Qaziyevanın müəssisənin istehlakçılara təklif etdiyi ətin mikroblu olduğunu iddia etdi: “İşlədiyim müddətdə heç vaxt pis işə yol verməmişəm. Müəssisəyə yeni işə girdiyim vaxt əti analiz etməyə icazə vermirdilər. Bir dəfə mən özüm əti analiz etdim və gördüm ki, mikrob var”.
Qazıyeva kimya elmləri namizədidir və qida üzrə 14-cü kateqoriyaya sahibdir. O, məsələ ilə bağlı müdiriyyətə məlumat verdiyini, lakin əks reaksiya ilə qarşılaşdığını qeyd edib: “Gedib bunu müdiriyyətə dedim. Müdiriyyət mənə çox qeyri-adi reaksiya verdi, üstümə qışqırdı ki, sən niyə əti yoxlayırsan? Otaqdan çıxanda digər müdir mənə sual verdi ki, mal ətinin içində ət olur?! Ondan sonra mənə ora gələn ətləri yoxlamağa icazə vermədilər”.
S.Qarayeva bildirib ki, baytar olandan sonra ona daha kəskin şəkildə əti yoxlamamağı tapşırıblar: “Mənim də acığım tutdu ki, baytar olduğum halda, niyə mən ət emalı otağına girə bilmirəm”.
S.Qazıyevanın sözlərinə görə, müəssisə “Leş Tofiq” ləqəbi ilə tanınan, qanunsuz ət satışı ilə məşğul olduğu üçün həbs edilən şəxsdən ət alırmış: “Sonra başa düşdüm ki, məhsulları ordan-burdan ət alaraq hazırlayırlar. Onların içində “Leş Tofiq”in ətləri də var idi. Ora müəssisə müdirinin öz yeri olduğundan, əti daha çox ordan alırdı. İnsanlara haram ət yedizdirirlər”.
Qeyd edək ki, Qida Təhlükəsizliyi Agentliyi tərəfindən 2023-cü ilin aprelində bir neçə şirkətin məhsullarında nöqsanlar aşkar edilmişdi. Həmin siyahıda “Ovçular Ət və Ət Məhsulları” MMC-nin adı da qeyd edilib. Qeyd edilir ki, müəssisənin “Ovçular” brendi ilə “Külləmə” halal sosiskasında təhlükəsizlik göstəricilərinə uyğunsuzluq aşkarlanıb.
AQTA-nın iyundakı açıqlamasında isə “Ovçular Ət və Ət Məhsulları” MMC-nin Hindistandan Azərbaycana idxal etdiyi mal ətində də salmonella bakteriyasının aşkarlandığı bildirilib. Agentlik qeyd edib ki, məhsulun tərkibi qida sahəsində normativ sənədin tələblərinə uyğun olmayıb. Qanunvericiliyə uyğun olaraq, istehlaka yararsız məhsulun gömrük ərazisinin hüdudlarından kənara çıxarılması, məhv olunması və ya utilizasiya edilməsi barədə barədə qərar qəbul olunub. Həmçinin aşkarlanan mal əti məhsulunun istehsal edildiyi müəssisənin məhsullarının ölkəmizə gətirilməsinə müvəqqəti qadağa qoyulub və Hindistanın aidiyyəti qurumuna müvafiq bildiriş göndərilib.

İbrahim Hümbətov