Ötən ilin sonlarında paytaxta gizli yol patrul xidmətinin yaradılması bir çox sürücülərin qaydalardan kənara çıxmamasına daha bir zəmin yaratdı

Beləki, radar, post patrul maşını olmayan yerlərdə belə gizlin polislər sürücünün qayda pozuntusunu qeydə alır. Yol hərəkətinin təhlükəsizliyi üzrə ekspert Ərşad Hüseynov İnterAz-a bildirdi ki, gizli yol patrul xidmətinin əməkdaşları öz işlərinin öhdəsindən gəlir.

"Gizli fəaliyyət cinayətlərin aradan qaldırılması üçün həyata keçirilən bir tədbirdir. Yol patrul sahəsində qanunun tələblərinə əməl etməklə polis işçilərinin gizli fəaliyyət göstərməsi mümkündür. YPX haqda təlimatda qeyd olunub ki, patrul işçiləri fəaliyyətlərini gizli həyata keçirə bilər. Gizli patrul xidmətinin mühüm əhəmiyyəti var. Burada əsas hədəf təhlükəsizliyin təmin edilməsi olmalıdır. İndiki halda gizli yol patrul xidmətləri yol qaydalarının pozulmasının qarşısının alınmasında böyük iş görür"