"Niyə cənab İkram Qurbanov?" DİA.AZ bildirir ki, bu ritorik sualla tanınmış hüquq-müdafiəçisi, Neftçilərin Hüquqlarını Müdafiə Təşkilatının rəhbəri Mirvari Qəhrəmanlı ilginc bir faktı açıqlayarkən çıxış edib.

"Təşkilata ilginc bir məlumat daxil olub" deyən M.Qəhrəmanlı bildirir:

"Azneft İB sosial məsələlər üzrə Baş direktorun müavini cənab İkram Qurbanovun tapşırığına əsasən aşağıda qeyd olunan dəniz özüllərində kollektiv qidalanmağa keçidə hazırlıq gedir:

Neft Daşları; 1887 və 2585 özül
Abşeronneft; 54 və 760 özül

Bu halda işçilərə ödənilən gündəlik ezamiyyə xərcləri və yemək pulu "Xəzəriaşə"nin hesabına köçürüləcək".

Verilən məlumatda o da qeyd olunur ki, kollektiv qidalanmağa keçid həmin özüllərdə işləyən neftçilərin xahişi ilə edilir. DİA.AZ bildirir ki, bunu da M.Qəhrəmanlı açıqlayıb ki, sözügedən məsələ neftçilər arasında etirazla qarşılanıb. Etiraz edən neftçilər kimsənin belə bir xahişi etmədiyini və ümumiyyətlə, belə bit xahişin edilməsinin ağlabatan olmadığını da vurğulayıblar.



Məsələ diqqətimizdədir. Mövzu ilə bağlı bütün əlaqədar qurum və təşkilatları dinləməyə hazırıq...