"Dostlar, 3 ay müddətində "Unibank"-ın "Leobank" kartından istifadə etdikdən sonra bu kart haqda rəy yazmaq istərdim". DİA.AZ bildirir ki, bu barədə "Müştərinin Səsi" sosial qrupundakı paylaşımında Fuad Hafiz adlı istifadəçi giley edir.



Daha sonra narazı vətəndaş bildirir: "Təcrübəmi sizinlə də bölüşmək isteyirəm ki, kimsə bu tələyə düşməsin. Əsasən zaminsiz və pulsuz verilən bu kart başqa banklardan fərqli olaraq, istifadə olunan vəsaitə görə hər ayına inanilmaz - 2-3 faiz tutur!

Bu illik 27 faiz edir (~30%). Bu hətta ölkədəki banklar arasındakı faizə görə belə çox böyük rəqəm və açıq-aydın soyğunçuluqdur!

Bankın müştəri xidmətinə də bildirdim iradımı. İndi aydın olur ki, niyə bu kartı hamıya pulsuz və hətta zaminsiz paylayırlar.

Bu gündən kartın məbləğini bağlayıb ondan imtina edirəm və hər kəsi diqqətli olmağa çağırıram. Ayıq olun, 30 faizlik sələm tələsinə düşməyin".

İddia olunanlarla bağlı dia.az olaraq qarşı tərəfi də dinləməyə hazırıq...