Xatırladaq ki, bu yaxınlarda aktualxeber.az saytında “Ədalət Həsənovla Hacı Mazanın gizli sövdələşməsi” və “Ramazan Zeynalov necə Hacı Mazana çevrildi?!” başlıqlı məqalələr dərc etmişdik. Məqalələrdə Hacı Mazan barəsində redaksiyamıza daxil olmuş bir sıra məlumatları ictimailəşdirmişdik. Bu məqalələri oxuyan Səxavət Qənbərov adlı şəxs elektron ünvanımıza Hacı Mazanın oğlu, Baş Dövlət Yol Polisi İdarəsinin (BDYPİ) Ağsu rayonunda yerləşən 3 saylı rayonlararası qeydiyyat-imtahan və texniki baxış şöbəsinin rəisi polis polkovnik-leytenantı Bayram Zeynalovun qanunsuz əməllərindən bəhs edib. Vətəndaş yazır:
“Ağsu rayonunda yerləşən 3 saylı rayonlararası qeydiyyat-imtahan və texniki baxış şöbəsində (MERO)-da vətəndaş Rüstəmov Ülvü Müşfiq oğlunun başına gətirilən oyunları ictimaiyyətə və aidiyyatı olan orqanlara təfsilatı ilə yazıb bildirmək istəyirəm. Belə ki, həmin şəxs 03.03.2022-ci il tarixində aldığı avtomobilini dövlət qeydiyyatına aldırmaq ücün texniki baxış şöbəsinə müraciət edibdi. Vətəndaşın aldığı avtomobili bir müddət əvvəl həmin idarə qeydiyyata alıb və texniki pasport da veribdi. Avtomobilə baxış keçirən Hüseynov Valeh Xanlar oğlu heç bir səbəb olmadan, axtarış üzrə inspektor polis kapitanı Süleymanov Xalisə məruzə edibdi ki, baqaj nömrəsində vətəndaş dəyişiklik edib, nömrə pozulubdu. Ülvi onlara öz iradlarını bildirib.Lakin onlar qəti qərara gəliblər ki, 800 manat pul rüşvət verməsən sənin avtomobilini qeydiyyata almayacağıq. Hətta polis kapitanı Süleymanov Xalis avtomobilə aid olan “texpasportu” öz iş otağında gizlətmişdi. Onlar rüşvət ala bilmədikləri üçün avtomobili idarədə cərimə meydançasına qoyublar. Təxminən 10 gün orada qaldıqdan sonra, polis kapitanı Süleymanov Xalis Ağsu RPŞ-nə müraciət edib ki, qanunsuz avtomobil saxlamışıq, gəlin onu aparın polis şöbəsinə. RPŞ-nin təhqiqat şöbəsi iki ay araşdırma aparıb və avtomobildə hec bir dəyişiklik olmadığı üçün onu vətəndaşın özünə qaytarıbdı. Bu günə kimi də vətəndaş özünə məxsus olan avtomobili öz adına qeydiyyata saldıra bilmir. Müraciət etmədiyi orqan qalmayıb. İdarənin rəisi Bayram Zeynalov Hacı Mazanın oğludur. İdarədə vətəndaşlardan rüşvət almaqdan ötrü cürbəcür qanunda nəzədə tutulmayan bəhanələr gətirərək, pul tələb edirlər.Misal üçün yuxarıda qeyd etdiyim vətəndaş.Çox misallar gətirmək olar. Aidiyyatı dövlət qurumları Hacı Mazandan çəkindikləri ücün rəis oğlu idarədə istədiyi kimi, qanunda nəzərdə tutumayan qaydada işləyir. Daxili işlər naziri cənab Vilayət Eyvazovdan xahiş edirəm ki, göstəriş verəsiniz Bayram Zeynalov vətəndaşları incitməyə son qoysun. Eyni zamanda Rüstəmov Ülvinun avtomobilini qanunda nəzərdə tutulan qaydada qeydiyyata alsınlar”.
Vətəndaşın xahişin nəzərə alaraq müraciəti olduğu kimi verdik. Ordakı bəzi məqamlar onun subyektiv fikridir. Ümidvarıq ki, aidiyyatı orqanlar vaxtında lazımi tədbirlər görərək günahkarları cəzalandıracaqdır.
Qarşı tərəfin də mövqeyini verməyə hazırıq.