“Günəşli” yatağındakı 10-cu dərin dəniz özülündə baş verən güclü yanğına Türkiyənin məşhur “İşte benim stilim” dəb yarışmasının münsifləri və iştirakçıları da biganə qalmayıb

Azerinfo.az “Qafqazinfo”ya istinadən məlumatına görə, yarışma üzvləri sosial şəbəkələrdə Azərbaycanla bağlı foto paylaşaraq başsağlığı veriblər.

Münsif İvana Sert : “Ayrılarmı könül candan, Türkiyə Azərbaycan… Acınız acımızdır. Çox üzüldük, başınız sağ olsun”.

Münsif Uğurkan Erez: “Acınız acımızdır…”.

Aparıcı Öykü Serter: “ Can Azərbaycan…İşığı sönənlərə rəhmət diləyirəm, məkanları cənnət olsun”.

İştirakçı Sima Şərafətdinova: “Oxuduğum xəbərə çox üzüldüm. Günahsız insanların ölməsi mənə təsir edir. 32 can, 32 başsız ailə…Düşündükcə dəhşətə gəlirəm. Allah heç bir ailəni başsız qoymasın. Canım Azərbaycanım, millətim…”.

İştirakçı Nihal Candan: “Azərbaycanın sevinci bizim sevincimiz, kədəri bizim kədərimizdir. Başımız sağ olsun”.

İştirakçı Ayşegül Doğan: “Allah səbr versin. Deyəcək söz yoxdur”.

İştirakçı Ezgi Ünal: “Bütün qəlbimlə rəhmət və ailələrinə səbr diləyirəm”.

İştirakçı Ayşenur Balcı: “Acınız acımızdır…”.