“Region gənclərinin hərbi-vətənpərvərlik tərbiyəsinin artırılmasına dəstək” davam edir

“Karvan” Gənclərin İnkişafına Dəstək İctimai Birliyi Azərbaycan Respublikasının Prezidenti yanında Gənclər Fondunun dəstəyilə “Region gənclərinin hərbi-vətənpərvərlik tərbiyəsinin artırılmasına dəstək” layihəsinin icrasını davam etdirir.
Birliyin sədri Nizami Əhmədovun verdiyi məlumata görə, layihə çərçivəsində növbəti tədbir Samux rayonunda Heydər Əliyev Mərkəzində keçirilib.
Tədbiri giriş sözü ilə N. Əhmədov açaraq iştirakçılara layihənin məqsədi və donoru haqqında məlumat verib.
Tədbirdə təlimçilər Aysel Cəfərova, Zülfiyyə Hüseynova və Samirə Ələkbərova, rayon icra hakimiyyətinin, təhsil şöbəsinin nümayəndələri, Heydər Əliyev Mərkəzinin işçiləri, tarix və hərbi hazırlıq müəllimləri və şagirdlər iştirak ediblər.
Təlimçi Samirə Ələkbərova tədbir iştirakçılarına yeniyetmə və gənclərdə vətənpərvərlik ruhunun tərbiyələnməsi, gənclərin sağlam həyat tərzinə alışdırılması, hərbi-vətənpərvərlik ruhunun artırılması və ölkənin layiqli vətəndaşı kimi yetişdirilməsində ictimai dəstəyin formalaşdırılması haqqında ətraflı məlumat veriblər.
Təlimçi Aysel Cəfərova yeniyetmə və gənclərə hərbi-vətənpərvərlik, sağlam həyat tərzi üzrə təlimlər keçib.
Təlimçi Zülfiyyə Hüseynova iştirakçılara xalqımızın milli-mənəvi dəyərləri, keçmiş hərbi – vətənpərvərlik ənənələri, xalqımızın hərb tarixi haqqında məlumatlar verib.
Tədbir iştirakçıları xalqımızın vətənpərvərlik tarixi, torpaqlarımızın bütövlüyü uğrunda gedən tarixi döyüşlər, Milli Qəhrəmanlar və Şəhidlər haqqında məlumatlandırılıblar.




Mətbuat xidməti