Bir Ceyhun Cəfərov var idi...
Deməli, Xətainin sabiq icra başçısı İbrahim Mehdiyev hara gedirdisə, onu da dalınca aparırdı.
İbrahim Mehdiyev Xətainin icra başçısı olanda Ceyhun Cəfərov rayonda “Kommunxoz”un, yəni Mənzil-Kommunal Təsərrüfatı Birliyinin rəisi idi.
İbrahim müəllim Yasamala icra başçısı təyin olunan kimi Ceyhun Cəfərovu özünə 1-ci müavin gətirdi.
Həmin vaxtdan Ceyhun Cəfərovla Yasamal RİH-də sosial-iqtisadi inkişaf şöbəsinin müdiri olan Elnur Abbaszadənin dostluq və biznes əlaqələri başladı.
Deməli, Elnur Abbaszadə boş torpaq sahələri, obyekt yerləri tapan kimi Ceyhun Cəfərova xəbər edirdi və az vaxtda həmin “pullu” sahələr ələ keçirilirdi.
Beləcə, Ceyhun Cəfərovla Elnur Abbaszadənin xeyli sayda şərikli obyektləri fəaliyyətə başladı.
Bir sözlə, Elnur Yasamal RİH başçısınn 1-ci müavini Ceyhun Cəfərovun “sağ əli” idi.
Beləcə 2006-2011-ci illərdə Ceyhunla Elnurun biznes əməkdaşlığı davam etdi.
Düzdür, sonradan, yəni 2011-ci ildə Ceyhun Cəfərov Tərtər Rayon İcra Hakimiyyətinin başçısı vəzifəsinə təyin olundu. Buna baxmayaraq dostu Elnurla biznes əlaqələrini davam etdirdi.
Məlumdur ki, Ceyhun Cəfərov 2014-cü ildə Kürdəmirin icra başçısı oldu.
Və 2020-ci ildə vəzifəsindən azad edilərək həbs olundu.
Bütün bu baş verənlərə baxmayaraq Yasamal RİH-nin şöbə müdiri Elnur Abbaszadə bu gün də Ceyhun Cəfərovun hər bir tapşırığını can-başla yerinə yetirir. Və Ceyhun Cəfərovun Bakının müxtəlif rayonlarındakı, əsasən Nəsimi rayonu ərazisindəki obyektlərini öz nəzarəti altında saxlayır və vaxtlı-vaxtında “haqq-hesab”ı Ceyhun Cəfərovun evinə çatdırır.
Elnur hətta ayda bir dəfə həbsxanadakı Ceyhun Cəfərova baş çəkməyi də unutmur.
Məlumat üçün onu da qeyd edək ki, Ceyhun Cəfərovun karyerasında təkcə İbrahim Mehdiyevin deyil, həm də onun yeznəsi, Rabitə Nazirliyinin sabiq Aparat rəhbəri Vidadi Zeynalovun da böyük rolu olub.
Məlumdur ki, sabiq Aparat rəhbəri olan Vidadi Zeynalov həbs olunsa da, tezliklə canını qurtara bildi.
Bu gün Çexiyada Vidadi Zeynalovla Ceyhun Cəfərovun xeyli sayda şərikli biznesi var.
Hətta daxil olan məlumata görə, Ceyhun Cəfərovun bır sıra vacib biznes tapşırıqlarını Elnur Abbaszadəyə Vidadi Zeynalov çatdırır.
Bir sözlə, Ceyhun Cəfərov-Vidadi Zeynalov və Elnur Abbaszadənin biznes şəbəkəsi çiçəklənməkdə davam edir.
Deyəsən, Elnur Abbaszadə dostu və şəriki Ceyhun Cəfərov üçün darıxır...
P.S Elnur Abbaszadəyə bir məsləhət verərdik, qaynatanız Rauf müəllimin "vasmoy" bazarındakı problemlərin həllində Vidadi Zeynalovun və Ceyhun Cəfərovun rolundan az danışsanız yaxşı olar.
Elnur müəllim, Qarabağ qazisi ona olan 25 min manatını geri istəyir.
gundelik baki.com
Teref.az olaraq məqalədə qaldırılan iddialarla bağlı qarşı tərəfin mövqeyini işıqlandırmağa hazırıq!
Teref.az