Yazıb bildirirəm ki, 1998 –ci ildən Allahyarlı kənd tam orta məktəbində pedoqoyi fəaliyyətə başlamışam. Məktəbin direktoru Fikrət Balakişiyev dəfələrlə müraciət edərək alacağı pulun müqabilində analıq məzuniyyətində olan Sevinc Süleymanovanın sinfinə birdəfəlik daxil olmağı təklif etdi. Ailə durumunun yaxşılaşacağını nəzərə alaraq, oğlumun etirazını nəzərə almayıb Direktorun təklifi ilə razılaşdım. Direktora 500 AZN (beş yüz manat ) pul verib, oğlumun etirazını ona bildirdim. O, isə məni tam əminliklə arxeyinləşdirərərək yaranacaq problemli hallarda dərs yükü ilə təmin olacağıma söz verdi.

Yeni dərs ilində planlaşdırılmış haqsızlıq dərs yükümün azalmasına səbəb oldu.

Dəfələrlə təhsil şöbəsinə müraciət etsəm də direktor dərs yükümü artırmadı. Belə olacağı halda yol çətinliklərimi, təminat zəifliyimi medianın nəzərinə çatdırıb tələbimin yerinə yetirilməsini xahiş etdim.

İnternetdə yerləşdirilən video çarxımdan qəzəblənən Bələdiyyə başçısı Ərşad Hüseynov və Yerli icra nümayəndəsini sədri Rasim Əliyev bir qrup təlimatlandırılmış idarə işçiləri və məktəb xidmətçilərini cəm edərək məktəbdə - şagirdlərin əhatəsində şərəf və ləyaqətimi alçaldıb, əsassız yerə məni məişət pozğunu adlandırırlar. Və qəti şəkildə kəndə gəlibməyimə qadağa qoyurlar.

Mən haqqını tələb edən tək ailə başçısı, çörəyini əxlaqsızlıqla deyil, təmiz adı, əl qabarı ilə qazanan, nümunəvi, hər kəsə örnək olacaq övlad yetişdirən ana, ayaqları üstündə durmağı bacaran ləyaqətli Azərbaycan qadınıyam.

Qarşılaşdığım haqsızlıq və ədəbsizlik qüruruma toxunur.

Odur ki, Sizə müraciət edərək yerini bilməyən dövlət məmurları barəsində ciddi ölçü götürməyi, şərəf və ləyaqətimi alçaldacaq təhqirlərlə üzləşməyəciyimi nəzərə alaraq iş yerimin dəyişdirilməsində köməkliyinizi əsirgəməməyi Sizdən xahiş edirəm.