Bakı sakini Haldun Novruzzadə keçmiş NikoilBank, indiki YeloBank-dan şikayətçi olduğunu bildirir. DİA.AZ-ın məlumatına görə, narazı vətəndaş bu barədə fikirlərini sosial şəbəkələrdə paylaşıb. DİA.AZ H.Novruzzadənin şikayətini olduğu kimi təqdim edir:



"Yelo Bank (keçmiş Nikoil) kimi səviyyəsiz, müştərisinin qədrini bilməyən, əclaf bank yoxdu. Deməli, 1 il əvvəl Biznes Krediti götürmüşəm, 3 nəfər zamin dayanıb. Pandemiya, zərər, işsizlik demədən hər ay artıqlaması ilə Krediti ödəmişəm və indi 3000 borcum qalıb. Ödəməyə davam edirəm, bunlara bildirdim ki, zaminlərdən biri (dostum) özü kredit götürmək istəyir, zəhmət olmasa, ona zamin ola-ola kredit verin, ya da zaminlikdən çıxarın. Onsuz 3000 manat qalıb və gecikdirmədən 17.000 manat ödəyən üçün 3000 manat nədir ki?!

Kredit verməyə “otkaz” verdilər, deyir zamin ola-ola biz kredit verə bilmərik, halbuki qazanan özləri olacagdı. Dedim yaxşı onda zaminlikdən çıxarın, indi də deyirlər başqa zamin verin. İlin-günün bu vaxtı bu düşüncəsiz rəhbərlik düşünmür ki, mənim kimi daima biznes krediti götürən adamı belə incitməzlər?! Bütün günü digər banklar zəng edib yalvarır ki, gəlin sizə zaminsiz kreidt verək, bunlar şadlıqlarına şıllaq atırlar.

Bir sözlə, heç kimə Nikoil yəni Yelo bankdan kredit götürməyi məsləhət görmürəm".

İddia olunanlarla bağlı qarşı tərəfi də dinləməyə hazırıq...