Türkiyədə təhsil alan 19 azərbaycanlı həkim, müvafiq şərait yaradılmaqla Azərbaycanda işləmək üçün geri gətirilib. Azərbaycanlı həkimlərdən ibarət növbəti heyət Azərbaycanın müxtəlif bölgələrində olan xəstəxanalarda ötən pandemiya ilə mübarizə aparacaqlar.

Dominant.az xəbər verir ki, tanınmış həkim-pediatr Vaqif Qarayevin fikrincə, həmin həkimlərin ölkəyə gətirilməsi o qədər də effektiv olmayacaq.

"Xaricdən mütəxəssis dəvət olunub, özümüzdə hələ də uyğun mütəxəssislər yoxdur. COVID-19 pandemiyası miqyasına və mahiyyətinə görə heç bir fors-major hadisə ilə müqayisə oluna bilməz. Mübarizə taktikası əvvəldən düzgün deyildi, məncə. Türkiyədən dəvət olunan həkimlərimiz sırf praktik işlərlə məşğul olur", - deyə pediatr vurğulayıb.

V.Qarayev, həmçinin təklif də verib: "Qonşu ölkədən epidemiya mütəxəssislərini dəvət etsək, yaxşı olar. Gürcüstan təcrübəsindən də yararlanmaq olar, xəncərimizin qaşı düşməz! Müsbət nəticə alan ölkələr var ki, hər birindən mütəxəssis dəvət olunmalıdır. Hələ də gec deyil".