"5 hektara qədər pay torpağı olan kəndlilərə ünvanlı sosial yardım verilməlidir".
Bunu deputat Əli Məsimli Milli Məclisin bu gün keçirilən iclasında “Sosial sığorta haqqında” qanuna dəyişikliklər zamanı deyib.

Onun sözlərinə görə, vətəndaş 5 hektaradək pay torpağından torpağından gəlir götürə bilmir və ona görə də onlar sosial sığorta haqqından azad olunmalıdır: “Qanun layihəsində bu insanlar nəzərə alınsın. Beş hektara qədər torpağı olan insanlara ünvanlı sosial yardım verilməlidir və onlar məşğul əhali siyahısından da çıxarılmalıdır. Çünki onlar bu torpaqdan hansısa gəlir götürmürlər. Onların əldə etdiyi gəlir icbari sosial sığorta ödəməyə imkan vermir. Ona görə də 5 hektara qədər torpağı olan kəndlilərlə bağlı hissə bu qanun layihəsindən çıxarılsın”.
Deputat Azər Badamov da Əli Məsimlinin təkliflərini dəstəkləyib: "Hesab edirəm ki, pay torpağı olanlar 2 faizlik icbari sosial sığortadan azad olunmalıdır”.