Bu yaxınlarda Elmi-Tədqiqat Pediatriya İnstitutunun direktoru Nəsib Quliyev körpələr üçün süni qida hazırlayan şirkətlərin məhsullarını satmaq üçün bütün üsullardan istifadə etdiyini bildirdi: “Süni qida şirkətlərinin əməkdaşları qapı-qapı gəzir, şirnikləndirmək üçün hətta məhsulları hədiyyə də verirlər. Biz isə belə mənəviyyatsız işin qurbanına çevrilirik. Körpələrin həyatını 5-10 manata satmaq olmaz. Bəzi həkimlər də süni qida şirkətlərinin mənəviyyatsız davranışının qurbanına çevrilirlər. Belə hallara qarşı Səhiyyə Nazirliyi çox ciddi iş aparır”.
Azad İstehlakçılar Birliyinin sədri Eyyub Hüseynov deyir ki, analar birmənalı şəkildə körpələrini ana südü ilə əmizdirməlidirlər: “Bizim birliyə tez-tez məlumatlar daxil olur ki, analar doğum evlərindən çıxan kimi onlara zəng gəlir, uşaqlarına süni qida məsləhət görülür. Bu, pediatrların qida şirkətləri ilə əlbir olduğuna sübutdur. Həkimlər və süni qida şirkəti rəhbərləri nə qədər əlbir olacaqlar, uşaqların ana südü ilə qidalanma faizi artmayacaq. Körpələrin qidalanmasına dair qanun var. Aparılan araşdırmalar göstərir ki, ana südü ilə əmizdirməyə dair Azərbaycanda göstərici Avropadan geri qalır”. Birlik sədri deyir ki, Körpə Qida Məhsulları üzrə Beynəlxalq Şəbəkə (İBFAN) insanları “Nestle” süni qidalarını boykota çağırır:“Nestle” firmasının süni qidaları uşaqlar üçün arzuolunmaz sayılır. Bir çox süni uşaq yeməklərinin tərkibində genetik modifikasiya olunmuş komponentlər, soya yağı var və bunlar təhlükəlidir”.
Sadaladığımız mənfi fikirlərə rəğmən bu firmanın məhsulları bazarda yenə də satılmaqdadır. “Nestle” firmasının Azərbaycanda yerləşən nümayəndəliyində də çoxlu maxinasiyalar həyata keçirilir. Belə ki, aktualxeber.az-a daxil olan məlumata görə firmanın regional meneceri olan Dilarə adlı xanım buranı bir ailə şirkətinə çeviribdir. Həyat yoldaşı Elmar firmaya məxsus avtomobili şəxsi məqsədləri üçün istifadə edir. Həmin avtomobili biz hər gün onun işlədiyi Bakı Sağlamlıq Mərkəzinin qarşısında duran görürürk. Dilarə xanım özü isə Natəvan adlı köməkçisinin şəxsi maşınında gəzir. Onun uşaqlarına da sürücülük edən köməkçisinə regional menecer olan xanım borclu qalmır. Onu ezamiyyətlərə yoxlama adıyla göndərərək birlikdə pullar mənimsəyirlər. Bundan əlavə Dilarə xanım B.Ə.Eyvazov adına Elmi-Tədqiqat Hematologiya və Transfuziologiya İnstitutunun əməkdaşı olan Emma adlı baldızını da qeyri-qanuni olaraq işə götürərək ayda 800-900 manat maaş verir. Əslində firmada pediatrlar işləməli və mühazirə oxumalıdır. Dilarə xanım yaxın ətrafına deyir ki, “mənim həyat yoldaşım Elmar səhiyyə nazirinin müavini Elsevər Ağayevin tələbə yoldaşıdı və arxamızda da o dayanır”. Səhiyyə sistemində bizim firmaya nazir müavini tərəfindən yaşıl işıq yandırılıb və buna görə də ona aylıq haqq ödəyirik. “Nestle” firmasının Azərbaycanda yerləşən nümayəndəliyində baş verən maxinasiya və yeyintilərdən Tiflisdə yerləşən baş ofisin xəbəri yoxdu. Əgər onların burda baş verənlərdən xəbəri olsaydı çoxdan regional meneceri işdən kənarlaşdırmışdılar.
Mövzuya qayıdacağıq və yazıda adları keçən şəxsləri də dinləməyə hazırıq.
Aktualxeber.az