Ramil İsmayılov məhkəmədə polis əməkdaşlarını fakt qarşısında qoyur

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Ramil İsmayılov məhkəmədə polis əməkdaşlarını fakt qarşısında qoyur

Sosial / Dunya

Oxunub: 2 350

18 avq 2018 | 01:48

Ramil İsmayılov məhkəmədə polis əməkdaşlarını fakt qarşısında qoyur

Hakimin sualına hal şahidi cavab verir ki, “mən əlimi kuloka vurdum, iylədim, o halda bildim ki, kulokdakı narkotik maddədir”

Bir neçə gün bundan əvvəl xəbər portalımızda “Ramil İsmayılov Səbail RPİ əməkdaşlarının qurduqları oyunun “qurbanı olub” başlıqlı məqalə dərc etmişdik. Məqalədə qeyd etmişdik ki, 28 mart 2018-ci il tarixdə bəzi televiziya kanallarında Bakı şəhəri, Nəsimi rayonu, Azər Əliyev küçəsi-24 ünvanda müvəqqəti qeydiyyatda olan məcburi köçkün İsmayılov Ramil Rəhbər oğlunun külli miqdarda narkotik maddə olan heroini satarkən, Səbail rayon Polis İdarəsinin əməkdaşları tərəfindən adı çəkilən rayonun 20-ci sahə adlanan ərazisində saxlanılması barədə xəbərlər yayılmışdı. Yayılan ilk xəbərlərdə Ramil İsmayılovun ümumi çəkisi 2 kq 200 qram çəkidə, dəyəri isə 11 min manat olan narkotik maddələri, əvvəllər tanımadığı İran İslam Respublikasının vətəndaşından Biləsuvar rayonu ərazisində aldığı bildirilirdi. Məsələnin maraqlı tərəfi odur ki, yaşanan olayla bağlı bəzi televiziya kanallarında, ayrı-ayrı media qurumlarında yayılan ilk xəbərlər, çox keçmədi ki, öz təsdiqini tapmadı və Səbail rayon Polis İdarəsinin əməkdaşları tərəfindən dövriyyəyə ötürülən bəzi məlumatlar, hansı ki, Ramil İsmayılovun ümumi çəkisi 2 kq 200 qram çəkidə, dəyəri isə 11 min manat olan narkotik maddələri, əvvəllər tanımadığı İran İslam Respublikasının vətəndaşından Biləsuvar rayon ərazisində alması faktı sonradan iş materiallarından çıxarılır. Saxlanılan şəxslə bağlı toplanmış iş materialları məhkəməyə göndərildiyindən, hal-hazırda Bakı Ağır Cinayətlər Məhkəməsində bununla bağlı məhkəmə araşdırmaları davam etdirilməkdədir.
Bir hala diqqət yetirək ki, 07 avqust 2018-ci il tarixdə saat 14:30-da keçirilmiş məhkəmə prosesi zamanı ilk olaraq Ramil İsmayılovu saxlayan polis əməkdaşları dindirilirlər. Polis əməkdaşlarından biri ünvanlanan suala verdiyi cavabında qeyd edir ki, “bəli, bizə Ramil İsmayılovun narkotik maddələri alıb-satmaq istəməsi barədə məlumat 28 mart 2018-ci il tarixdə çatmışdı, digər polis əməkdaşları isə, məlumatın bir həftə daxil olduğunu bildirirlər. Yəni, polis əməkdaşları dindirilən zaman məlumatın RPİ-nə çatması barədə bir-birindən fərqli fikirlər söyləyirlər. Onlar ünvanlanan digər suala verdikləri cavablarında bildirirlər ki, “Ramil İsmayılov narkotik maddələri satmaq məqsədilə gətirir”. O halda hakim polis əməkdaşlarına növbəti sualını ünvanlayır. Necə ola bilər ki, bir şəxs xəstə olsun, heç bir yer də işləməsin və onda narkotik maddəni almaq üçün 11 min manat pul olsun? Hakimin ünvanladığı belə bir suala polis əməkdaşları cavab verirlər ki, “həyatda elə hallar olur ki, imkanlı bir şəxsə məxsus narkotik maddə olur və həmin şəxs də başqa bir şəxsə 5-10 manat pul verir və ona məxsus narkotik maddəni bir yerdən başqa bir yerə apartdırır. Bəzən narkotik maddəni aparan şəxs ələ keçir və “qurbana çevrilir”. Təəssüf doğuran hal odur ki, Ramil İsmayılov saxlandıqdan sonra onun narkotik maddəni kimdən alması, narkotik maddənin kimə məxsus olması və digər vacib faktlar polis əməkdaşları tərəfindən araşdırılmır. Əslində həmin vaxt saxlanılan şəxsə qarşı güzəşt tətbiq olunmalı idi və cənayəti törədən şəxs araşdırılıb müəyyən olunduqdan sonra, ona qarşı isə, qanunun tələbi əsasında cəza verilməli idi. Yəni, onu bildirmək istəyirik ki, Ramil İsmayılov saxlandıqdan sonra polis əməkdaşları onların yaşadıqları mənzil də yoxlamalı idilər. Belə bir addımlar atılmadığından, məhz həbs motivinin əvvəlcədən planlaşdırıldığı və sifariş əsasında baş tutması tam çılpaqlığı ilə özünü sübut edir.Təəssüf hissi ilə qeyd edək ki, Ramil İsmayılovu saxlayan polis əməkdaşları qanunun belə bir tələbinə əməl etmək əvəzinə, hansısa maraqları çərçivəsində onun “dəmir barmaqlıqlar” arxasında saxlanmasına qərar verirlər.
Məhkəmə prosesi zamanı Ramil İsmayılov da polis əməkdaşlarına sual ünvanlayır ki, “siz nəyə görə məni gətirən avtomobilin, yaxud da yanımda olan Yusif adlı şəxsin deyil, yalnız mənim şəkilimi çəkmisiniz. Bəlkə bizi gətirən avtomobildə əlavə 6 kq narkotik maddə var idi”. Belə bir suala cavab tapa bilməyən polis əməkdaşları, məhz fakt qarşısında aciz qalırlar. Onların acizyanə qalmaları bir daha onu sübut edir ki, keçirilən əməliyyat əvvəlcədən planlaşdırılıbmış. Belə bir səbəb üzündən də, məhkəmə prosesində ortaya bir çox “müəmmalar” çıxır.
Bir qədər keçdikdən sonra məhkəmə zalına gətirilən daha iki nəfər hal şahidinin dindirilməsi də, bəzi “müəmmalar”ın ortaya çıxması ilə nəticələnir. Belə ki, hər iki şəxs dindirilən zaman bildirdilər ki, “biz polis idarəsində olarkən otaqdakı stolun üstündə qara rəngli kulok var idi və Ramil İsmayılov da həmin otaqda idi. Hakim hər iki şəxsə sual verir ki, “kulokda yemək var idi, bozbaş var idi, yoxsa narkotik maddə var idi? O zaman hal şahidlərindən biri “qara kulokdakı narkotik maddə idi” deyə, hakimin sualını cavablandırır. Sən nədən bildin ki, həmin kulokdakı narkotik maddə idi? Hakimin bu sualına da hal şahidi cavab verir ki, “mən əlimi kuloka vurdum, iylədim, o halda bildim ki, kulokdakı narkotik maddədir”. Bəs deyə bilərsənmi ki, narkotik maddə nə rəngdə olur? “Narkotik maddə boz rəngdə olur” deyə, hal şahidi hakimin növbəti sualını da belə bir formada cavablandırır. Amma, biz cinayət hadisələri ilə bağlı bəzi verlişlərə baxarkən televizor ekranlarında nümayiş etdirilən narkotik maddələrin ağ sarımtıl rəngdə olduğunu görmüşük. Bu da hal şahidinin danışdığının yalan olduğunu tam şəkildə ortaya qoymuş olur.
Məhkəmə prosesi zamanı hakim Ramil İsmayılova “bədənində xəsarət izləri varmı?” deyə sual verir. Saxlanılan şəxs isə cavabında bildirir ki, “saxlandığım vaxtdan 4 aydan bir qədər çox vaxt keçib. Ona görə də bədənimdəki xəsarət izlərinin yeri sağalıb. Bəli, saxlandığım vaxtların ilk günlərində məni olduqca döydülər ki, boynuma görüb bilmədiyim işləri qoya bilsinlər”. Bütün bunlar da Ramil İsmayılovun həbsinin sifariş əsasında baş tutduğunu müəyyən etməyə tam əsas verir. Yəni, o, polis əməkdaşlarının vasitəsilə hansısa şəxsin əvəzinə “qurban verildiyindən, bu gün də “dəmir barmaqlıqlar” arxasında qalmağa məhkumdur.
Bütün bunlardan sonra belə bir qənaətə gəlmək olar ki, məhkəmə araşdırmaları kifayət qədər obyektiv aparılır və Ramil İsmayılovun həbsi zamanı nə qədər ədalətsizliyə yol verilsə də, məhkəmə araşdırmalarında haqq-ədalət üstün tutulacaq. Biz buna tam şəkildə əminik və atlan addımların obyektivliyə söykənəcəyinə də tam şəkildə inanırıq. Araşdırmamız davam edəcək. Mövzunu diqqətdə saxlayacağıq.