DİQQƏT: Cərimələnə bilərsiniz

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

DİQQƏT: Cərimələnə bilərsiniz

Sosial

Oxunub: 474

26 dek 2017 | 11:31

Azərbaycanda avtomobillərə heç bir əsas olmadan əlil tanınma nişanı vurmaqla ictimaiyyəti və yol polislərini aldadırlar.
"Ölkə.Az" xəbər verir ki, bunu Trend-ə açıqlamasında nəqliyyat üzrə ekspert Ərşad Hüseynov deyib.

Ekspert bildirib ki, bu sahədə ciddi problem var: "Azərbaycanda əlilərin avtomobilinin tanınması üçün fərqlənmə nişanı var. Bu, "Yol hərəkəti haqqında" Qanunun 72-ci maddəsi ilə təsbit olunub. Həmin nişanı minik avtomobilləri ilə yanaşı, yük avtomobillərinə, hətta mikroavtobuslara, sərnişin avtobuslarına da vururlar".
Ekspert bildirib ki, araşdırılma aparılsa, üzərində əlil nişanı olan avtomobillərin əksəriyyətinin əlil maşını olmadığı məlum olacaq: "Öncə bu problemi həll etmək lazımdır. Əlil nişanı Dövlət Yol Polisi tərəfindən qeydiyyatla verilməli, əlillər üçün olan avtomobillərin qeydiyyat şəhadətnaməsinə bu qeyd edilməlidir. Əlil avtomobilində xüsusi avadanlıqlar quraşdırılmalıdır. Avtomobilə hansı xüsusi avadanlığın quraşdırılması isə avtomobilin qeydiyyat şəhadətnaməsində yazılmalıdır. Bundan sonra həmin avtomobilə əlil nişanı verilməlidir".

Ə.Hüseynov qeyd edib ki, "Yol hərəkəti haqqında" Qanunun 71-ci maddəsində yazılıb ki, əlil tanınma nişanı yalnız əlil üçün xüsusi avadanlıqlarla təchiz olunmuş və əlillərin mülkiyyətində olan nəqliyyat vasitələrinə vurula bilər: "Hazırda Azərbaycanda bu proses tətbiq olunmayıb. Bu məsələni həll etdikdən sonra əlil avtomobillərinə güzəştlər tətbiq etmək olar. Məsələn, mədəsində əməliyyat olunmuş şəxsə 2-ci qrup əlil verilir və o, avtomobilinə əlil tanınma nişanı vurur. Həmin şəxsin ayaqları, əlləri yerindədir. O sürücü avtomobilə əlil tanınma nişanı vura bilməz. Amma elə sürücü var ki, ayağının biri və yaxud əlinin biri yoxdur, bu şəxslərə əlil tanınma nişanı verilməlidir".

O, eyni zamanda əlavə edib ki, bu gün əlil tanınma nişanını mağazalardan da almaq olar: "Bu nişan mərkəzləşdirilmiş qaydada verilməlidir. Əslində, qanunvericiliyə görə, əlil tanınma nişanından yalandan istifadə edən sürücü 40 manat cərimə olunmalıdır. İnzibati Xətalar Məcəlləsinin 342.1.11-ci maddəsinə görə, sürücü belə halda məsuliyyət daşıyır".