Ağciyər Xəstəlikləri İnstitutunun əməkdaşları direktor Həqiqət Qədirovadan niyə narazıdır?-Şikayət

Güllələnən icra başçısının qızına da Şuşada ev verildi - FOTO

Prezident İlham Əliyev Qarabağda möhtəşəm tunelin açılışını etdi: qürurverici GÖRÜNTÜLƏR

Prezident İlham Əliyev Əhmədbəyli-Füzuli-Şuşa avtomobil yolunda görülən işlərlə tanış olub

Prezidentdən Heydər Əliyevlə bağlı paylaşım

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Ağciyər Xəstəlikləri İnstitutunun əməkdaşları direktor Həqiqət Qədirovadan niyə narazıdır?-Şikayət

Sosial

Oxunub: 584

24 dek 2017 | 00:04

Ağciyər Xəstəlikləri İnstitutunun əməkdaşları direktor Həqiqət Qədirovadan niyə narazıdır?-Şikayət

Ağciyər Xəstəlikləri İnstitutunun bir qrup əməkdaşı xəstəxanada baş verən qanunsuzluqlardan, xüsusilə yeni təyin olunan direktor Həqiqət Qədirovanın əməllərindən dövlət başçısı cənab İlham Əliyevə, birinci vitse-prezident Mehriban xanım Əliyevaya, Səhiyyə naziri O. Şirəliyevə şikayət edir, ciddi tədbirlər görülməzsə burada vəziyyətin daha dəhşətli hal alacağını bildirirlər.
Müraciət müəllifləri qeyd edir ki, Həqiqət Qədirova əvvəllər rəhbərlik etdiyi Respublika QİÇS-lə mübarizə mərkəzində də yarıtmaz fəaliyyətinə görə kollektivin kütləvi etirazına görə işdən uzaqlaşdırılıb: “ Həqiqət Qədirova əslində bir diktatordur. Hansı qüvvələrsə onu Ağciyər Xəstəlikləri İnstitutuna rəhbər gətirib. Gəldiyi gündən şərləmə, qarayaxma prinsiplərini əsas götürərək xəstəxananın aparıcı həkimlərini hədəfə alıb. Xəstəlik tarixlərini yoxlamaq adı ilə xüsusi komissiya yaradaraq kimi istərsə sifarişlə şərlətdirir.”
Komissiyanın tərkibinə direktorun xüsusi seçdiyi şəxslərin daxil olduğunu bildirən müraciət müəllifləri onların qərəzli münasibətindən şikayətlənirlər:
“ Komissiyaya daxil olanlar kimlərdir- Firidun Məcidov-, 68 yaşı var, sertifikasiyadan keçməyib, həkim işləməyə belə ixtiyarı yoxdur. Anasının erməni qızı olduğu iddia edilir.
Komissiyanın digər üzvü Faiq Agayev ixtisasca bronxoloqdur, kecmish direktordur. Özü xəstəlik tarixini həyati boyu yazmayib, klinisist deyil,amma tam qanunsuz olaraq xəstəlik tarixlərini araşdırır, həkimləri incidir . Direktorun sağ əli hesab olunduğu üçün cərrahiyyə şöbəsinə qanunsuz olaraq elmi rəhbər təyin olunub. Anasi erməni qızı olduğu bildirilir.”
Müraciətdə institutun aparıcı cərrahı, elmlər namizədi, aprel döyüşlərinin iştirakçısı, Səhiyyə nazirliyinin cərrahı Cəmil Ələkbərova göstərilən qərəzli münasibətdən xüsusilə bəhs olunur. Bildirilir ki, “ilk öncə “xəttin pisdir” deyərək onun həkimlik fəaliyyətinə qadağa qoydu, daha sonra isə özəl xəstəxanaya gedirsən bəhanəsiylə işdən qovmaqla hədələdi, iclaslarda təhqir etməyə başladı. Səbəb isə həqiqətən də ağlamalıdır: C. Ələkbərovun özü xəstə olduğu halda xəstələrin təkidli xahişi ilə işə gələrək 2 ağır xəstəyə yardım etməsi, onları ölümdən xilas etməsidir. Bunun əvəzində təşəkkür almaq əvəzinə töhmətləndirildi. H. Qədirova “gəlsin mənə yalvarsın, üzr istəsin, izzahat yazsın, bəlkə onu bağışladım” deyərək C. Ələkbərovu təhdid edir. Hətta şöbə müdirini çağıraraq tələb edib ki, Cəmil həkimin 2 gün işə gəlməməsi haqqında təqdimat yazsın”
Müraciətdə bildirilir ki, institutda H. Qədirovanın gəlişindən sonra narazılıq pik həddə çatıb. “Qapının ağzında dayanan mühafizəçidən tutmuş üzü yuxarıya kimi hamı narazıdır” deyə şikayətçilər bildirirlər.
İnstitut əməkdaşlarının müxtəlif vasitələrlə işdən uzaqlaşdırıldığını bildirən əməkdaşlar bildirir ki, “əvvəl işçiyə töhmət verir, sonra yanına çağırıb hədə-qorxu gələrək bildirir ki, ərizəni yazmasan töhmət verəcəyəm, nazirliyə təqdimat yazacağam. Bu hədələrə tab gətirməyən xeyli həkim işdən getməyə məcbur olub. 15 il institutda reanimatoloq işləyən, 4 uşağa tək baxan ( bir övladı yüksək balla Türkiyədə oxuyur) Ruhiyyə Abdullayevanı da bu yolla institutdan uzaqlaşdırıb. İnstitutda yeganə USM həkimi olan Xatirə Əliyevanı da eyni üsulla-töhmət vermək, şərləmək, hədə-qorxu yolu ilə işdən qovmaqla hədələyir.”
Ağciyər Xəstəlikləri İnstitutunun əməkdaşları direktor Həqiqət Qədirovadan niyə narazıdır?-Şikayət
Şikayətçilər Həqiqət Qədirovanın işçiləri müxtəlif üsullarla təhdid etdiyini bildirən müdhiş faktlar açıqlayıblar : “ Səbinə Məmmədovaya əvvəlcə şəxsi hesabına şöbəni tam təmir etdirdi, daha sonra isə töhmət verərək işdən uzaqlaşdırdı. Səbinə xanım şöbənin təmirinə 20 min manat vəsait xərcləyib, amma H. Qədirova nazirliyə məlumat verib ki, təmiri özü edib. Labaratoriya əməkdaşları da eyni təhdidlə üz-üzə qalıblar. Belə ki, həkimləri məcbur edib ki, təmir edin, onlar da 20 min manat kredit götürərək təmir ediblər, indi də işdən qovulmaqla hədələnirlər.
Labaratoriyanın işçisi Təranə Həsənova isə direktor tərəfindən bütün kollektivin önündə təhqir olunub. Onun hamilə olduğunu bildiyi halda xalatını çəkərək əynindən çıxartdı.
Stress keçirən əməkdaş hamiləliyinin pozulacağından qorxur, həyacanlanır, ağlayır. Bu barədə T. Həsənova ölkə başçısına, Səhiyyə nazirinə şikayət ərizəsi yazıb.
Rentgen həkimi Arifə artıq 5 töhmət verilib, reanimatoloq Vüqar Səfərova da eyni üsulla təzyiqlər olunur.”
Müraciət müəllifləri bildirir ki, institutun ərazisinin satıldığı özünün isə ləğv olunacağı barədə söhbətlər dolaşır. Bütün bunlara rəğmən H. Qədirova hər gün institut əməkdaşlarına qarşı daha amansızcasına rəftar edir, onları təhqir və təhdid edir.
Artıq səbri tükənən institut işçiləri dövlət başçısı cənab İlham Əliyevdən, birinci vitse-prezident Mehriban xanım Əliyevadan kömək istəyirlər.
Rubrika.az edilən şikayətlə əlaqədar Ağciyər Xəstəlikləri İnstitutunun direktoru Həqiqət Qədirova ilə əlaqə saxlayıb. Müraciətdə göstərilən faktlara münasibət bildirməsini istədikdə, baş həkim Səhiyyə nazirliyinə müraciət etməyi məsləhət bildirərək, heç bir şərh verməyib.
Müraciət edən şikayətçilər institutda baş verən qanunsuzluqları araşdırmaq üçün təcili komissiya yaradılmasını, narazı əməkdaşların şikayətlərinin, H. Qədirovanın əməllərinin araşdırılmasını tələb edirlər. İnanırıq ki, Səhiyyə Nazirliyi müraciətdə göstərilən faktlara biganə qalmayacaq, təcili xüsusi komissiya yaradaraq baş verənlərin araşdırılmasına şərait yaradacaqdır.
//Rubrika.az