Bir neçə gün bundan əvvəl informasiya mətkəzimzə daxil olan məlumatlar əsasında, “172 saylı uşaq bağçası rüşvətxorluq yuvasına çevrilib” başlıqlı tənqidi açıqlama dərc etmişdik

Dərc etdiyimiz açıqlamada yazıb bildirmişdik ki, Bakı şəhəri, Nizami rayonu ərazisində fəaliyyət göstərən və Mahirə xanımın rəhbərlik etdiyi bağçada hər cür qanunsuzluq əməllərinə qol qoyulur, saysız-hesabsız mənimsəmələrə yol verilir. Dərc etdiyimiz açıqlamanın sonunda onu da qeyd etmişdik ki, daxil olan məlumatların nə dərəcədə həqiqət olub-olmaması haqda bir söz deyə bilmərik. Çalışacağıq ki, bu yöndə müəyyən araşdırmalar aparıb, əsl həqiqəti aşkara çıxara bilək.
Elə bu səbəbdən də, informasiya mərkəzimizin təcrübəli bir əməkdaşına bu yöndə lazımi tapşırıqlar verildi. Əməkdaşımızın apardığı araşdırmalar, valideyinlərlə etdiyi söz-söhbətlər və.s zamanı, əsl həqiqətlər aşkara çıxdı. Aparılan araşdırmalar zamanı o da bəlli oldu ki, adının çəkilməsini istəməyən və məlumatı verən mənbə, Mahirə xanımla şəxsi ədavət çəkməklə bərabər, onun bağça müdirəsi vəzifəsini daşımasını da heç cür qəbul edə bilmir. Elə bu səbəbdən də, o, informasiya mərkəzimizə verdiyi məlumatları bitərəfli qaydada çatdırıb. Rəhbərliyin nəzər-diqqətində saxladığı araşdırmalar zamanı bəlli oldu ki, sadalanan faktlar heç də həqiqəti əks etdirmirmiş.
Bütün bunları nəzərə alaraq, qarşı tərəfdən üzrxahlıq etməyi özümüzə borc bildik.