Azərbaycan türk birliyi prosesində daha ön sıradadır - ŞƏRH
Siyaset
Oxunub: 40
10 in 2024 | 14:22
Azərbaycan türk birliyi prosesində daha ön sıradadır - ŞƏRH


Prezident İlham Əliyev TÜRKPA-ya üzv ölkələrin parlament sədrləri ilə keçirilən görüşündə Türk Dövlətləri Təşkilatının fəaliyyətindən danışıb. Dövlət başçısı qeyd edib ki, bu qurumu gücləndirmək üçün mövcud büdcə yetərli deyil. Ona görə də Azərbaycan birtərəfli qaydada 2 milyon Amerika dolları əlavə töhfə, yəni ianə verib: “Zirvə görüşünə, yəni gələn aya qədər bu vəsait Türk Dövlətləri Təşkilatının hesabına oturacaq. Bu, nəyi göstərir? Çünki biz bu təşkilatı gücləndirməliyik. Zirvə görüşləri təbii ki, ən yüksək səviyyəli tədbirdir, TÜRKPA önəmli tədbirdir. Bizim TÜRKSOY-umuz var. Bizim Türk Mədəniyyəti və İrsi Fondumuz var, digər təsisatlar var, akademiyamız var, ona görə təşkilat daha da böyüməlidir. Həm orada hər ölkədən daha çox insan çalışmalıdır, həm də bu təşkilatın beynəlxalq əlaqələri gücləndirilməlidir. Biz bütün beynəlxalq tədbirlərdə iştirak etməliyik. Yəni bizim yolumuz budur. Əminəm ki, gün gələcək Şimali Kipr Türk Cümhuriyyəti də təşkilatın tamhüquqlu üzvünə çevriləcək. Yenə də deyirəm, Azərbaycan bu gün buna ikiəlli səs verir və bu, birliyimizin nə qədər səmimi olmasını bir daha göstərəcək". Prezident vurğulayıb ki, Türk dünyasının birləşməsi istiqamətində ölkələrimiz böyük səylər göstərirlər: "Bildiyiniz kimi, Azərbaycanın xarici siyasətinin prioritetlərinin müəyyən edilməsi zamanı Türk dünyasının gücləndirilməsi, Türk dövlətləri ilə əlaqələrimiz prioritet istiqamət kimi müəyyən olunub. Builki prezident seçkilərindən sonra andiçmə mərasimindəki çıxışımda bildirmişdim ki, bizim ailəmiz Türk dünyasıdır, bizim başqa ailəmiz yoxdur. Əslində, bu, ölkəmizin bu istiqamətdəki siyasətini açıq şəkildə büruzə verir. Şadam ki, son illər ərzində Türk Dövlətləri Təşkilatı xətti ilə aparılan işlər birliyimizi daha da gücləndirir". Ölkə rəhbəri xatırladıb ki, onun təşəbbüsü ilə bir aydan sonra Şuşada Türk Dövlətləri Təşkilatının qeyri-rəsmi Zirvə görüşü keçiriləcək: "Hesab etdim ki, ildə bir dəfə Zirvə görüşünün keçirilməsi kifayət etməz. Çünki həm sürətli, yəni davamlı təmaslara ehtiyac var, eyni zamanda hər bir Zirvə görüşü birliyimizin gücləndirilməsinə istiqamətlənmiş növbəti addım olur. Çox şadam və həmkarlarıma minnətdaram ki, onlar bu təşəbbüsü dəstəkləyiblər və düz bir aydan sonra Şuşa şəhərində qeyri-rəsmi Zirvə görüşü keçiriləcək. O görüşün əsas mövzuları nəqliyyat və iqlimlə bağlı olacaq. Bu da təbiidir. Çünki bu gün nəqliyyat əlaqələrinin qurulması və genişləndirilməsi Türk dünyasının birləşməsi ilə sıx bağlı olan prosesdir. Orta Dəhlizin fəaliyyətə başlaması və yükdaşımaların artırılması göz önündə olan məsələlərdir. Burada Türk Dövlətləri Təşkilatına üzv olan bütün ölkələr birgə fəaliyyət göstərir. Mən hesab etdim ki, indiki zəmanədə Orta Dəhlizin potensialına dünyada daha böyük ehtiyac var. Biz bu mövzu ilə bağlı, gələcək addımlarımızla bağlı geniş fikir mübadiləsi aparmalıyıq". Dövlət başçısı əlavə edib ki, Türk dünyasının ucu-bucağı yoxdur, böyük coğrafiyanı əhatə edir: "Artan əhali, gənc əhali, təbii sərvətlər, nəqliyyat yolları, aramızdakı birlik. Bu birlik təbiidir, bu birliyin təməlində ortaq köklər var. Ona görə bu birlik bütün başqa birliklərdən daha qüvvətli, daha güclüdür. Yəni bizim birləşməyimiz etnik, mədəni köklər üzərindədir və biz təbii ki, praktiki addımlarla bu birliyi gücləndirməliyik".
Prezidentin Türk dünyası və Türk Dövlətləri Təşkilatı ilə bağlı bəyan etdiyi məqamları "Sherg.az"a dəyərləndirən türkoloq-alim Faiq Ələkbərli deyib ki, Prezident İlham Əliyevin türk ölkələrinin parlament sədrləri ilə görüşü, TDT-nin fəaliyyətinin güclənməsi ilə bağlı maliyyə yardımının ayrılması çox təqdirəlayiq haldır. Alim vurğulayıb ki, bu onu göstərir ki, Azərbaycan yeni dünya nizamının formalaşma mərhələsində Türk Dövlətləri Təşkilatının yeni bir gücə çevrilməsində maraqlıdır:

"Artıq çoxqütblü dünyaya doğru gedirik, bir yox, bir neçə güc mərkəzləri formalaşır. Bunlardan biri də, şübhəsiz, Türk Dövlətləri Təşkilatıdır. Dünyada formalaşan yeni güc mərkəzlərindən biri olmaq istəyiriksə, bunun üçün zəruri addımlar atılmalıdır. Dövlət başçısının Türk Dövlətləri Təşkilatı, TÜRKSOY, TÜRKPA kimi qurumlara ciddi önəm verməsi bunun bariz nümunəsidir. Azərbaycan bütün hallarda türk təşkilatlarının güclü olmasını istəyir. Çünki cənab Prezidentin dediyi kimi, artıq dünyada öz güclü birliyimizi yaratmalıyıq. Əsas diqqəti böyük türk ailəsinə yönəltməliyik. Azərbaycan öz dövlət başçısının timsalında bunu real olaraq ortaya qoyur. Türk dünyasına aid nə varsa, Azərbaycan oradadır. Sadəcə sözdə deyil, real əməllərlə dəstəyimizi veririk. Azərbaycan bu məsələdə öncüllük təşkil edir. Hətta müəyyən dövrlərdə Türkiyə ön plana çıxmışdısa, son illərdə Azərbaycan-türk birliyi prosesində daha ön sıradadır. Cənab Prezidentin bəyanatları, mesajları və atdığı konkret addımlar da bunu göstərir".
Dünən, 15:57
Bayden Adminstrasiyası niyə tələsik Bakı-İrəvan sülhünü istəyir? - AÇIQLAMA
Dünən, 15:53
QHT-lərin Əməkdaşlıq Forumunun iştirakçıları Prezidentə müraciət ünvanlayıblar
Dünən, 15:48
Əhmədin xalasından ŞOK: “O, cinayəti tək törətməyib“ - VİDEO
Dünən, 15:42
DSX və DTX-dən dənizdə əməliyyat: silahdan atəş açıldı - VİDEO
Dünən, 11:13
Cibdə "bıçaqlar" olmayan bir dünya - VİDEO
Dünən, 11:00
Bu silahlar Rusiya ordusuna CİDDİ TƏHDİDDİR - ATACMS hansı texniki imkanlara sahibdir?
Dünən, 10:21
Qərb Qafqazda “hibrid müharibə”yə başlayıb: Gürcüstan “qaranlıq ssenarilər”in güdazına gedir
Dünən, 10:11
Ərdoğan yaxın günlərdə Astanada Putinlə görüşə bilər
Dünən, 10:00
Dünya nizamını yalnız bu ölkə dəyişə bilər - ABŞ AD ÇƏKDİ
Dünən, 09:45
Netanyahu İsrailin müharibəni nə vaxt bitirəcəyini AÇIQLADI
Dünən, 09:33
İcra hakimiyyətində ƏMƏLİYYAT: Saxlanılanlar var
Dünən, 09:16
Oğlu əsgərlikdən gələn kişi qatil oldu: Arvadının xəyanətindən şübhələnib divara tarix yazıbmış - VİDEO
Dünən, 09:00
Baş verən silahlı hadisə Rusiyanın başqa şəhərlərində də olacaq!
24-06-2024, 16:00
Paşinyan üçün EV TAPŞIRIĞI... - İşi yarıda buraxmamalıdır...
24-06-2024, 15:30
Ermənistanı silahlandıran Fransa NƏYİN PEŞİNDƏDİR? - GƏLİŞMƏ
24-06-2024, 15:30
Azərbaycanda xüsusi karantin rejiminin müddəti uzadılıb
24-06-2024, 15:25
Dövlət qulluqçuları təltif edilib - SƏRƏNCAM
24-06-2024, 14:00
Kamran Əliyevdən separatçılarla bağlı açıqlama
24-06-2024, 13:56
Ruhanidən İranı qarışdıracaq etiraf: Bundan betər qanunumuz olmayıb
24-06-2024, 13:45
Azərbaycan yaşıl gündəliyi nümayiş etdirir
24-06-2024, 12:39
Bu gün həlak olan 3 polislə vida mərasimi keçirilir
24-06-2024, 12:30
Alimpaşa Məmmədova hökm oxunub
24-06-2024, 12:07
3 polisi və qonşusunu gülləyən Rövşən Allahverdiyev barədə BƏZİ DETALLAR
24-06-2024, 12:02
İlham Əliyev Putinə başsağlığı verib
24-06-2024, 11:57
10 gün sonra toyu olacaqmış
24-06-2024, 11:52
Bakıda silahlı insident zamanı həlak olan polislərin adları - SİYAHI
24-06-2024, 11:45
İlham Əliyev Dağıstanın rəhbərinə başsağlığı verib