Xankəndinə yardımın göndərilməsi fonunda Qarabağda baş verənlər diqqət çəkir:
- Bir qrup erməni təxribatçı Azərbaycanın göndərdiyi yardım TIR-larının önünü kəsmək üçün Ağdam yoluna toplaşdı: bu təxribatçılar Ruben Vardanyanın dəstəsinin üzvləridir;
- Vardanyan Rusiya sülhməramlılarını müdafiə edən açıqlamalar verdi;
- Rusiya Müdafiə Nazirliyi Azərbaycanı Şuşada “atəşkəsi pozmaqda” ittiham etdi: bu, uzun müddətdən sonra ilk belə ittihamdır;
- Qarabağdakı qondarma “rus icması” Azərbaycanın tərkibində yaşamaq istəmədiklərini açıqlayıb;
Bütün bunlar Ağdam yolunda Azərbaycan TIR-larının önünün kəsilməsinin arxasında rus izinin olduğu ehtimalını ön plana çıxır.
Rusiyanın ikili oynadığı istisna edilməməlidir: bir tərəfdən, Bakının qarşısını kəsə bilmədiyi üçün Laçın yolu ilə yanaşı, Ağdam yolunun da açılmasını dəstəkləyir; digər tərəfdən, Vardanyanın dəstəsini oyuna daxil etməklə “erməni əhalisi yardımı qəbul etmir” görüntüsü yaradır;
Və bununla azərbaycanlıların qurduğu çadırla erməni təxribatçıların qurduğu çadır arasında “vasitəçi” kimi bölgədəki mövcudluğuna ehtiyac formalaşdırır. Xankəndi uğrunda mübarizənin yeni mərhələsi artıq başlayıb.

Asif Nərimanlı